لقاء كارثي

ليله….لا يا قلبي لا والله كله هيبقي كويس انتي بس عشان خايفه

عشري….ايه يا نوني اجمدي شويه كل ده هيتنسي لما تشوفيهم واقفين علي رجليهم

نعيمه…..امته طيب يا عشري امته و الله هموت انتوا حاسين بيا صح انت كنت خايف علي عدي و رهف لما اتخبطوا صح

عشري…بنظره حزن طبعا يا نعيمه و حاسس بيكي والله و عارف انه غصب عنك بس واللي خلقني وخلقك ربنا مافي احن منه و جايز يكون خوفك و وجعك الوقت ده عشان طيب وجعك علي امك وابوكي جايز بخوفك علي نادر اوي عشان لما يقوم ترضي وقلبك يرضي بفراقهم وتقولي قضي اخف من قضي

نعيمه…بدموع هرضي والله يا عشري هرضي يارب و الله انك خدت امي وابويا بس متوجعنيش في اخواتي

فضل…..طيب خلاص عشان خاطري الدكتور خارج اهو خلينا نطمن منه

بصت علي الدكتور ومسحت دموعها خرج الدكتور من الغرفه و قرب منهم

نعيمه…طمني بالله عليك اخويا و النبي يا دكتور

الدكتور….متقلقيش أنا عايزكم تهدوا اللي حصل كان يقلق بالنسبالكم لكن ده امر احنا متعودين عليه في الرعايه

عشري…طيب هو مش المفروض انه تخطي مرحله الخطر يا دكتور

الدكتور….ده صحيح بس مش معناه ان الخطر انتهي تماما لكن كل اللي اقدر اقوله إن حالته انهارت فجاه لكن مش كلياً هو قلبه وقف مرتين ودي حاجة لازم ناخدها بجدية المرة الأولى استجاب بسرعة للإنعاش اليدوي والمرة التانية رجع النبض بعد الصدمة

لكن الأهم دلوقتي إن علاماته الحيوية مستقرة ومفيش عندنا في اللحظة دي علامة واضحة بتقول إن فيه نزيف جديد أو فشل في عضو من الأعضاء. هنفضل نراقبه عن قرب وهنعمل الفحوصات اللازمة عشان نعرف إيه اللي سبب اضطراب ضربات القلب لكن لحد دلوقتي هو مستقر

ليله…طيب ايه الاسباب اللي ممكن تهلي قلبه يقف مرتين

الدكتور….لا في اسباب كتير و الحمد لله يعني لحد الوقت هو ولا سبب فيهم هو اللي عمل توقف للقلب لكن كمان هنرجع نعمل فحوصات بس زي ما قولت في اكتر من سبب يعني ممكن نقص اكسجين مفاجئ
ممكن لو كان عنده كده او خبطه قويه في الصدر تعمل ده و هو معندوش خبطات في الصدر او كدمات

ممكن كمان اضطراب املاح البوتاسيوم و المغانسيوم يعملوا كده

ممكن لا قدر الله جلطه رئويه

وممكن الادويه يكون ليها تأثير في ضغط الدم عادي كل دي تغيرات بتحصل حتي لو عدينا مرحله الخطر