لقاء كارثي

عشري…ماهو في دي بقي مقدرش اصدق هي كانت بتجهض يوم بحاله ومحدش فينا حس بيها

الدكتور….بابتسامه في دي معاك حق عموما انا هكشف عليها الوقت و هيبان في السونار متقلقش

عشري….خير ان شاء الله

الدكتور….جاهزه يا مدام ليله

ليله….ايوه

قام الدكتور و قام وراه علي طول عشري راح معاه

قعد الدكتور عالكرسي و بدأ يعملها سونار علي بطنها و عينها علي عشري اللي واقف غيران

فضل الدكتور يمشي جهاز السونار و يكتب حجات في الجهاز

الدكتور….في اي الم و انا بضغط

ليله….لا تمام

الدكتور….طيب بصي انا هضغط شويه و هتتالم بس عايز اعرف الالم محتمل ولا لا عايز بس اتاكد ان الرحم طبيعي مفيش اي الم و بينقبض بشكل صحيح تمام

ليله….تمام

ضغط الدكتور علي بطنها من الاسفل قا غمضت عينها بالم واضح

الدكتور… في الم

ليله….اه بس مش قوي يعني

الدكتور ….كويس جدا

عشري…..طمني يا دكتور

الدكتور….لا متقلقش هي بخير الحمد لله الرحم كويس جدا حتي في السونار الحمد لله متضررش في تجمع دموي بسيط

عشري…..وده ليه

الدكتور….لا ده الدم اللي بينزل يعني يومين بالكتير مع الالتزام بالادويه كل البقايا دي هتنزل يعني انا شايف ان كل حاجه تمام و زي ما قولت قبل كده انتي ربنا بيحبك غالبا لما المريضه بتنزف كتير بيحصلها اضرار كتير سواء في الرحم او فقدان الدم عموما في ناس ممكن حملها بعدين يتأثر في ناس من شده الالم بيحصل تهتك في الرحم و انتي الحمد لله معندكيش اي حاجه من كل ده هو بس وقتها نسبه الهيموجلوبين كانت منخفضه جدا و ده بسبب النزيف لكن في المجمل انتي زي الفل و تقدري تحملي عادي مفيش اي قلق او ضرر

ليله….براحه الحمد لله

عشري….الحمد لله المهم انها بخير

الدكتور… هنعمل بس الوقت تحليل سريع كده عشان نشوف الهيموجولبين اخباره ايه

ليله…هو بياخد وقت ؟

الدكتور… لا مش كتير يعني نص ساعه لو مستعجله ممكن ابلغك بالنتيجه عالموبايل و لو في علاج هبعتلك اسمه

ليله….لا خالص بس كنا هنطمن علي الشباب في الرعايه

الدكتور…طيب هنسحب العينه و تقدري تروحي و شويه وارجعي

عشري….طيب هي محتاجه اي علاج جديد يا دكتور

الدكتور… اللي انا كاتبه كفايه الا لو لقينا في انيميا هنحتاج بس ناخد حديد

عشري…تمام

خرجوا بره و طلب من الممرضه تيجي خدتهم و راحوا معاها سحبوا العينه و مشيوا علي نعيمه