لقاء كارثي

بس صدقوني انا مش بطمنكم لكن حقيقي هو قدامي كويس جدا كل حاجه بخير و حالته مستقره و خليني اقول ان في سبب تاني ممكن يكون اللي عمل كده

فضل…. ايه هو

الدكتور….المخ مازال في حاله اضطراب يعني في نشاط و محاولات استجابه مش ظاهره خارجياً بالبلدي كده صراع داخلي يعني وارد جدا يبقي في نشاط غير معلوم في المخ

نعيمه…يعني حضرتك تقصد انه بييها نفسه يعني عشان يفوق

الدكتور… ده سبب من الاسباب يعني زي ما قولت هو كل مؤشراته ممتازه بيستجيب بشكل طبيعي هو واخته مفيش قدامي حاجه واضحه لتوقف القلب حتي عضله القلب سليمه و شغاله بصوره صحيحه مش عايزك تقلقي كل ده وارد جوه الرعايه المهم متخافيش هو حاليا مستقر و احنا هنعيد حالا كل الفحوصات

فضل…تمام يا دكتور شكرا لحضرتك احنا هنفضل موجودين لحد ما نطمن اكتر

الدكتور…تمام وانا هطمنكم

الكلام كان يريح لكن القلق كان متمكن من نعيمه بشكل مش طبيعي
و فضلوا موجودين اكتر من ساعتين كل الفحوصات كانت كويسه جدا و الدكتور طمنهم تاني

ليله كمان خدت التحليل النسبه اترفعت لكن كانت لسه قليله شويه و طلب منها تستمر علي العلاج اللي كاتبه

و بعد وقت بسيط مشيت معاهم نعيمه وهي قلبها مش مطاوعها و خايفه..

و كالعاده موجوع بيطبطب علي موجوع في المساء بعد ما كل واحد شاف شغله و بدأ يرجع لحياته

رجعت ايمي مع رشيد و هي ساكته خالص و باين عليها الحزن والخوف

و بسببها نعيمه فصلت شويه عن اللي شافته الصبح و بقت خايفه علي ايمي

و كان فعلا ربنا بيدينا ابتلاء عشان عشان يخفف وجع التلاء اكبر

ليله….انا مش فاهمه يعني ايه واحد في الحوض و اتنين لا

رشيد…. الدكتوره قالتلها ان وضعهم بخير و صحتهم كويسه لكن التوتر و المجهود و شده الاعصاب اللي حصلت الفتره اللي فاتت الولاد ضغطوا علي الرحم في واحده فيهم اللي هي لوحدها ضاغطه علي الرحم
ونزلت في الحوض يعني كانها بتهيأ نفسها لولاده طبيعيه

ليله…يعني ده حلو ولا وحش ؟

رشيد…والله با ليله انا مفهمتش حاجه كل اللي فهمتوا انه مش حلو في حاله ايمي لانها تلاته و اي مجهود هيحصل ولاده مبكره واحده فيهم في الحوض و الاتنين بالعرض يعني لو حصل و ولدت قبل معادها هتولد طبيعي و قيصري و الدكتوره اقترحت اقتراحين واحد فيهم هي بترجحه اكتر وهو ان ايمي الفتره دي تتحجز في المستشفي اما التاني راحه تامه ملازمه السرير مش بتقوم