لقاء كارثي

نعيمه….مسحت دموعها الحمد لله علي كل حال ان شاء الله خير انا والله راضيه موت امي وابويا دمرني بس راضيه والله الحمد لله اخواتي بس يفوقوا عشان قلبي يرتاح شويه

ماريز…هيفوقوا ويبقوا زي الفل و نفرح بيهم و نرجع تاني نتلم و يبقوا في حضننا

نعيمه…يارب يا زوزو يارب

ايه….بدموع ابتسمت كفايه عياط مناخيرك كبرت وعينك صغرت الله يخربيتك

ضحكوا كلهم

سلامه….لا بس قمر مش هننكر

فضل…انت تاني بص لنعيمه طيب اعمل فيه ايه ده اقتلوا

نعيمه…بابتسامه لا حرام بيضحكني

فضل….بابتسامه لا يا شيخه

سلامه…..عشان بضحك عفيتي عني يعني

الباب خبط قام ميدو فتح

مصطفي…..سلام عليكم

عسال….عليكم السلام يا صاصا تعالي

دخل معاه علي جوه

مصطفي…..بص بنظره مضحكه عليهم كلهم ورفع ايده الاتنين سلام عليكم جميعا

الجميع…عليكم السلام

حنان….انت جيت

مصطفي…..لا جاي في الطريق

ضحكوا كلهم علي مصطفي

عشري….ياض انت لو مطولتش لسانك تتعب

مصطفي….بابتسامه ماهو سؤال غريب بصراحه انت جيت اه والمصحف انا جيت

حنان….مترباش هعمل ايه ربيت اخواته و هو فلت من ايدي

رشيد…بضحك لا معلش بقي يا حنون بلاش كدب مفيهمش غير ريهام

حنان…..بابتسامه فلتوا يعني هما كمان

ماريز….لا والله كلهم ربنا يحيمهم

سلامه…ايه ده ولا ايه اللي في دراعك ده ؟

بص مصطفي علي دراعه بتوتر كان متخربش خربوش كبير وفي دم و عمل نفسه مش شايف

عسال….ايه ده صحيح انا مخدش بالك انت متعور ولا متخانق

مصطفي…ااا ايه ده فين ده

سلامه.. في دراعك اهو ايه الخربوش ده كله

مصطفي….فين ياعم مفيش حاجه

حنان…..انت هتستعبط ما باين اهو

عشري…..بابتسامه ايه اتعلم عليك

مصطفي….عيب عليك محدش يقدر

ايه….طب امال ايه اللي ف ايدك ده ياعم الجامد

مصطفي…مبلاش انتي

فضل…..مين ضربك ياض

مصطفي….ضربني ايه ياعم مفيش الكلام ده

سلامه….امال ايه ده طيب وبعدين الدم لسه منشفش يعني لسه متعور

ايمي…..بابتسامه انت اتثبت واتسرقت ولا ايه اعترف متتكسفش

ليله….انتوا كلكم عليه ليه شكله خربوش عادي يعني

مصطفي…يا اخي و عهد الله في القاعده دي كلها ماليا غيرك يا ليله كلهم سوس

نادين…بابتسامه علي فكره انا متكلمتش

مصطفي…..وانتي كمان طيبه بص لنعيمه وابتسم و نوني كمان قلبي

فضل…طب اظبط بدل ما اقوم اعلم علي دراعك التاني