لقاء كارثي

ايمي….مش هينفع يا نادين بعيدا عن التعب ليكم انا نفسيا مش هقدر اقعد في المستشفي كل المده دي هكتىب و نفسيا هتعب اكتر كمان رشيد مش بيحب الجو ده

رشيد…يا ستي انتي مالك و مالي مش بحبه في المرض لكن لو انتي مقيمه عادي

ليله….بتتلكم والله

ايمي…..و كتاب الله هقوم اجيبك من شعرك

نعيمه…بابتسامه استني يا ليله طيب متعصبيهاش ايمي احنا خايفين عليكي والله يعني عايزين نعدي الفتره دي و بعدين يا ستي روحي كانك هتقعدي اسبوع عشر ايام بالكتير مش يمكن الكام يوم دول لما ترتاحي يخرجوكي

فضل…..اه والله ممكن الراحه دي تخليكي تستقري تاني و يلاقوا ملهاش لازمه قعدتك

رشيد….طيب نجرب الحل ده يا ايمي والله ممكن ايه رايك

ايمي…رشيد انا مش هوح مستشفيات اصلا مجرد التفكير موترني هروح انا بقي اتحبس في اوضه واقعد علي سرير انا مليش في القاعده دي

ليله….تسيب فرط الحركه لمين

سلامه….بضحك انا هقوم من هنا لان حاسس ان ايمي هتحدفك بحاجه وهتاخد في الرجلين

ايه…خدني معاك انا مش مستغنيه عن عمري

ماريز… بضحك ايوه خد ساتر انت وهي عشان دول عاملين زي الديوك بينكشوا بعض و بعدين بينفجروا

ايمي….ضحكت غصب عنها والله مستفزه اوي

ليله….طيب نتكلم بهدوء و عقل

ايمي….لا

ليله…بابتسامه طيب شكرا

نعيمه…..جيبتي وراء

ليله….عشان صاحبتك مبتسترش

نعيمه…..طيب لو فعلا الحل التاني انها تقعد في البيت و متتحركش كتير و تخلي بالها من مجهودها هيبقي زي المستشفي خلاص تفضل في البيت

ايمي….ماهو ده اللي بقولوا من بدري وجودي في المستشفي مش ضروري يعني لا محتاجه علاج و لا محاليل ولا متابعه علي مدار اربعه وعشرين ساعه هو بس اقعد عالسرير و متحركش فا ايه اللي يخليني اروح لما ممكن اقعد في البيت

ليله….تمام بس لو هي مش شايفه ان وجودك في المستشفي حل انسب مكانتش خليته اول ترجيح ليها و اكيد الموضوع مش بالتفاهه دي انك تفضلي نايمه علي سرير وبس اكيد في متابعه منها هي شخصيا من التمريض هيتابعوا اول باول ضغطك السكر الطلق اللي عندك هيتابعوا حركه البيبي نبضهم يعني اكيد في حجات مهمه هتتعمل غير انك تفضلي في اوضه نايمه علي سرير يا ايمي

ايمي….يا بنتي ما رشيد كان معايا اساليه انا سالتها وقولتلها انا محتاجه علاج محتاجه محاليل محتاجه الاربعه وعشرين ساعه اهتمام و متابعه قالتلي لا بس وجودك في المستشفي هيخليكي تلتزمي اكتر بالراحه انا سالت يا ليله بس ده ردها عليا يبقي ليه اروح مكان انا عارفه انه هيتعبني نفسيا و هيتعب رشيد و هيبقي حمل عليه و عليكم و علي امي و ابويا واخواتي ملهاش لازمه انا هعمل كل ده بس في البيت علي الاقل اكون براحتي