لقاء كارثي

خرج سلامه من الاوضه و بعدها بثواني خرج حسان

حسان…..صباح الخير

الجميع…صباح الخير

سلامه…..حد فيكم معاه مسكن

عشري…مالك

سلامه…مصدع اوي

عسال…افطر الاول وبعدين خدي هتلاقي في شنطتي مسكن

سلامه…لا مش قادر اخد الاول وبعدين افطر

حسان…بلاش تاخد عالصبح كده
كل حاجه وبعدين خد

عسال….بص لرشيد يكمل كلامه انت شايل الهم ليه يا رشيد ما باقي البنات موجودين في نادين و سلمي و ايه كله موجود لحد ما الباقي يرجع يعني مش هتبقي لوحدها كمان امي و ريهام قالوا جاين و شيرين كمان جايه واكيد زوزو

عشري…هو اصلا فضل مش هيسيبها هيروح ويرجع معاها و مش هينزل شغل غير لما اخواتها يفوقوا ونعدي الفتره دي

فضل….علي فكره هي اصلا مش عايزه البنات يفضلوا و عايزه الكل يرجع حياته الطبيعيه الحوار ده مضايقها و محسسها انها حمل و بصراحه انا معاها في الموضوع ده يعني علي قد ما انا مش عايزها تبقي لوحدها بس كمان هي لازم تحس ان الحياه قدامها ماشيه عشان هي كمان تعمل زيهم

عشري….لو اتكلمنا من هنا لبكره مش هيوافقوا يا فضل محدش من البنات هيوافق خصوصا ليله دماغها ناشفه هي و ايمي و بيني وبينك مش حلوه هي محتجاهم انا معاك ان هي لازم تحس ان الدنيا ماشيه حواليها عشان تعافر و تقوم هي كمان بس علي الاقل كام يوم كمان

حسان…عشري معاه سلمي قالتلي انها قامت من النوم انهارده و حالتها مكانتش حلوه فضلت تصرخ و تعيط و متخيله ان كل ده كان كابوس هي لسه مش مستوعبه عندها امل انها لما تنام هتصحي تلاقي كل حاجه زي ما كانت فا لو مكانش معاها البنات مكانش هيبقي كويس عشانها

فضل…..عارف بس هي مش مرتاحه يا حسان علي الاقل يعني يبدولوا مع بعض لو ليله موجوده الباقي يمشي سلمي معاها الباقي يمشي كده يعني و بعدين انت مراتك لازم تنزل عيادتها و ايمي و ليله لسه تعبانين يعني لو ريهام هتنزل بدالهم شويه و هتلاقي حد فيهم لازم يتابعها

حسان….انا شايف اصلا ان ايمي بعيدا عن تعبها مينفعش تنزل خالص المطعم لحد ما تقوم بالسلامه عشان متتعبش اكتر خليها تعدي الفتره دي علي خير و حتي ليله بيتهيالي محتاجه فتره يعني تشوف الدكتور يقولها ايه

عشري…..لا ليله هترتاح كام يوم لحد ما انا اطمن عليها بنفسي بعدها هنزلها الشغل ليله لو قعدت شويه في البيت هتتعب و دماغها هتوسحها انا عارفها الشغل في حالتها افضل هتتلهي مش هتفكر هتغير جو و انا عايزها تفك شويه خصوصا لو انا بنزل الشغل و بسيبها مش هتبقي كويسه لوحدها