لقاء كارثي

الدكتور….هنعمل كل حاجه متقلقش و هنعمل سونار عشان نتأكد ان مفيش تجمعات دم و نطمن ان الرحم بينقبض بشكل طبيعي

عشري…طيب تمام انا بس قلقان من اللنيميا لان حضرتك شوفت بنفسك هي لو تعبانه مش هتقول

الدكتور …..بابتسامه واضح انك تعباهم علي الاخر

ليله…خالص والله هما اللي بيقلقوا شويه

الدكتور….لا في دي انا اصدقوا هو بعد اللي شوفتوا معاكي انتي اللي متعبه

عشري…. بابتسامه اهو مش كلامنا يعني

ابتسمت ليله و سكتت

الدكتور….قربي دراعك نشوف الضغط الاول و قوليلي ايه الاخبار يعني في الم في تعب مش محتمل في دم كتير عن الطبيعي

ليله…اااا لا يعني اوقات كتير واوقات عادي

الدكتور …كتير بمعني ايه يعني اشبه بالنزيف و لا الكميه اكتر حاجه بسيطه

ليله…لا مش نزيف بس اكتر حاجه بسيطه من العادي خصوصا في نوع دواء معين لما باخده بيعمل كده
هو انا معرفش ايه فيهم لانب باخد كذا حاجه بس لاحظت بعد ما باخظ العلاج بشويه بيطون في دم كتير

الدكتور ….هايل الضغط كويس اا طيب الدواء ده زي مطهر بيطرد كل الدم المتبقي في الرحم يعني بيساعد علي تنضيف الرحم من بقايا الدن الفاسد و ده طبيعي متقلقيش بالنسبه للالم بقي

ليله….الم اشد شويه من البريود بس قادره اتحمل يعني هو في العادي الم البريود عندي يمكن اكتر من الطبيعي شويه بيبقي متعب فاهو زيه بس اكتر شويه و خصوصا بيكون وقت ما الدم بينزل كتير

الدكتور…..كويس كده الرحم بينقبض و بيرجع لطبيعته و دم سب بالالم و التقلصات اللي بتحصل المهم انه مش الم مبالغ فيه او غير محتمل

ليله…لا يعني قادره اتحملوا

الدكتور….طيب اتفضلي علي السرير عشان نعمل سونار

ليله….تمام

قامت ليله و سابت شنطتها و موبايلها و راحت جوه في مكان الكشف

عشري…..دكتور علي فكره هي بجد حتي لو تعبانه هتقول انها بخير فا لو في اي حاجه قولي

الدكتور….متقلقش كل الاعراض دي طبيعيه جدا الالم و الدم ده طبيعي بعد حالات الاجهاض او حتي الولاده

عشري….انا فاهم انا بتكلم علي الالم هي بتقول قادره تتحملوا فا ممكن يكون فوق احتمالها و مش بتتكلم

الدكتور….شوف هو الالم اللي بيحصل من انقباضات الرحم الم شديد حتي لو هي قادره تتحملوا فاهو شديد بس خليني اقولك لو الالم فوق قدرتها علي التحمل مش هتقدر تتحمل او تسكت