لقاء كارثي

عشري…..طيب خلاص لو انتي شايفه يا ايمي انك هتلتزمي بجد الفتره دي و هتنفذي كلام الدكتوره بالحرف و مش هتعملي زي الاول افتكر في بدايه حملك قالت ممنوع المجهود والقلق والتوتر و ركوب العربيه كتير ونزول السلالم وقتها حتي نزلتوا اوضتكم تحت و مع كل ده التزمتي كام يوم و مقدرتيش فا لو شايفه انك مش هتقدري يبقي المستشفي الحل الافضل لكن لو هتقدري خلاص خليكي في البيت

ايمي…لا هقدر والله

نعيمه….ايمي المرادي الوضع مختلف اللي في بطنك كبروا في البدايه هي طلبت منك ده عشان الحمل يثبت لكن المرادي هيكون خطر عليهم لو ولدتي بدري فا بجد لازم تلتزمي و ياستي احنا مش هنسيبك ان شاء الله و هنعدي عليكي طول الوقت عشان متزهقيش وانا اطمن بس علي اخواتي و يخرجوا بالسلامه و مش هسيبك والله بس اطمن

ايمي….ان شاء الله تطمني و نطمن معاكي و نفرج بخروجهم

نعيمه…يارب اللهم امين تعدي علي خير بس

ماريز…متخافيش يا نعيمه هتعدي زي ما كل حاجه بتعدي

نعيمه….كنت هموت انهارده والله يا زوزو مش نادر اللي قلبه وقف انا اللي قلبي وقف و رجع تاني هموت عليه

ماريز….بعد الشر عليكي وعليه يا عبيطه كل دي احتبارات من ربنا

نعيمه…..وانا تعبت من الاختبارات دي اوي مبقتش متحمله لما حد فينا موبايله بيرن قلبي بيتقبض
انا والله العظيم حسيت لما الجهاز عمل صوت والخط بقي مستقيم كأن حد ضربني علي دماغي

حنان….بعد الشر عليكي يا بنتي طيب هو بقي افضل لما مشيتوا صح

نعيمه….اه رجع تاني بس مش مرتاحه انا مش هرتاح الا لما يفوق يمكن خوفي علي نسمه نفس خوفي علي نادر بس انهارده لما قلبه وقف مرتين قدامي حسيت ان هو حالته اخطر يعني نسمه مطمنه عليها شويه انما هو لا و عقلي بقي مش مبطل تفكير لدرجه اني بقيت افكر سككت ثواني و عيطت

ماريز….يا شيخه بالله عليكي كفايه

حنان…وحدي الله يا نعيمه

فضل….بنظره حزن طبطب علي ضه ها بس يا قلبي

نعيمه…بدموع انا بقبت افكر ان هو ميت اصلا و هما حطينه بس كده قدامنا علي الاجهزه

رشيد…..يابنتي بلاش الكلام والتفكير ده انتي كده بتتعبني نفسك اكتر

حسان…..والله هيبقي كويس يا نعيمه متخافيش عدينا مرحله الخطر وهما قالولك ان ده طبيعي

سلمي…..بس بقي وحياتي

البنات كلهم كانوا مدمعين و باين عليهم التأثر والوجع