لقاء كارثي

ليله….بوجع و دموع والنبي ما تقولي كده والله هيبقي كويس

قرب منهم دكتور تاني

الدكتور…من فضلكم استنوا بره عشان ممنوع الازعاج هنا للمرضي

نعيمه…بانهيار انا مش هخررررررج مش هخرج من هنا الا لما اطمن علي اخويا

الدكتور…يا افندم انا مقدر قلقلك بس مينفعش الوقفه هنا سيبوا الدكاتره تشوف شغلها

نعيمه…..قولتلك انا مش هخرج من هنا لو اطربقت السماء عالارض انا راح مني ابويا وامي مش هستني اخويا يروح مني انت فااااااهم

فضل….دكتور ارجوك راعي حالتها محدش فينا حابب يعمل ازعاج بس هي مش هتقدر تخرج الا لما تطمن

الدكتور…..صدقوني هو بخير و اللي بيحصل ده امر طبيعي جوه الرعايه

نعيمه….بدموع امر طبيعي ان اخويا قلبه يقف مرتين قدامي

الدكتور…..صدقيني امر طبيعي خصوصا في الحالات الحرجه العقل بدأ يستوعب و هو كده عايز يفوق و ده امر طبيعي و الوقت الدكتور يخرج يطمنكم اكتر

عشري…طيب تقدر حضرتك تطمنا يعني علي الاقل طمنها انه احسن

الدكتور….طيب تمام بس ارجوكم لازم يكون في هدوء انا هطمن وهرجعلكم حالا

بصت نعيمه ليهم بتوهان كانها بتستنجد بيهم

نعيمه…اعملوا حاجه والنبي كملت بدموع و وجع عنلوا لنادر صدمات قدام عيني يا ليله مش هقدر والله ما هقدر يارب كفايه بقي خدت اتني مني كفايه والنبي سيبلي اخواتي

ليله….بدموع ضمتها اوي بس يا قلبي بس

رهف كانت واقفه علي جنب دموعها نازله وساكته خالص

دقيقتين و رفعوا الستاره تاني

سليم…نعيمه تعالي

بصوا بسرعه و قربت نعيمه لقت قلبه رجع تاني و الدكتور بيهز راسه يطمنها فضلت سانده راسها عالزجاج تعيط

عشري….الحمد لله يارب الحمد لله

فضل…اللهم لك الحمد اهدي خلاص بقي احسن

نعيمه….بدموع و هي باصه لنادر اوعي يا نادر والنبي ابوس ايدك اوعي تعملها فيا متسبنيش والنبي يا نادر وقوم بقي كفايه كده قلبي وجعني والله قوم يا اخويا و النبي متموتنيش انت كمان يا نادر

ليله…..والله العظيم هيبقي كويس ربنا كريم يا نعيمه هيقوم عشانك انتي ونسمه

نعيمه…..بصت لليله و هي منهاره قوليلي اعمل ايه طيب عشان يقوم هو ونسمه والله مافي حاطه في ايدي

ليله….ادعيلوا يا نوني

نعيمه…..كل حته فيا بتدعيلوا هو ونسمه بس مش قادره خلاص انا حاسه بموت والله بتخنق مفيش هواء نفيش نفس الدنيا ضيقه اوي يا ليله