لقاء كارثي

ليله….بضحكه جميله نسيتي انك دورته

ايمي….بلاش والنبي انا مش حمل البلطجي بتاعك لسانه عايزه قصه

ليله….بس بيحبك

ايمي…..وانا بحبه عشان بيحبك

ابتسمت ليله وخدت بسكوته ليها وبسكوته لايمي و اكلتها

ايمي….. بابتسامه خدتها منها كلتها بهدوء و فضلت بصالها هما البنات راحوا امته اوضتهم

ليله…مش عارفه بس سلمي قومتهم مكانوش عارفين يناموا و دخلتهم

ايمي….طيب كلي هروح ابص علي نوني ورجعالك

ليله….. بابتسامه ماشي

خرجت ايمي علي بره و راحت فتحت الباب براحه علي نعبمه لقتها نايمه و لاين انها نايمه نوم عميق

قربت رفعت الغطاء عليها و بعدين باستها من راسها وهي ولا حاسه بيها خرجت بهدوء و قفلت وراها وراحت تاني علي ليله..

ليله…..نايمه !

ايمي….اه دي مقتوله يا قلبي مش نايمه شكلها هلكان و تعبان هموت عشانها

ليله…..سيبيها تنام النوم ليها افضل خليها ترتاح يارب يريح قلبها شويه

ايمي….يارب اللهم امين

طلعت جنبها و فضلت قاعده معاها شويه لحد ما شربت و بعدين رجعت نامت في حضنها

ايمي….ضمتها اوي لسه تعبانه

ليله….لا احسن الحمد لله وانتي

ايمي….انا كمان بخير

ليله….هو انتي مش هتروحي للدكتوره تطمني مش المفروض ده معاد المتابعه بتاعتك

ايمي…انا معاد متابعتي فات بقالوا كذا يوم بس هروح طبعا

ليله….طيب ما تروحي انهارده

ايمي….والله يا ليله هشوف كده رشيد اكيد عنده شغل و بعدين انتي المرفوض راحه للدكتور يطمن عليكي مش عايزين نسيب نعيمه لوحدها

ليله…..نعيمه هتروح تطمن علي اخواتها و انا هروح بدري للدكتور يعني علي ما ارجع تكون هي رجعت و انتي بتروحي بليل كمان البنات موجودين يعني متتلككيش لازم تروحي و لو رشيد عنده شغل هاجي معاكي انا

ايمي…بعدت عنها بسرعه وبصتلها بغضب يا بنتي انتي هتجلطيني تيجي معايا فين انتي مش ملاحظه انك تعبانه و محتاجه ترتاحي

ليله…..بابتسامه انا احسن و لو علي المغص اللي بيجي بسيطه و بعدين انا قولتلك لو رشيد مش فاضي

ايمي….لا ملكيش دعوه انتي انا هتصرف احيييييه عليكي ده انتي طلعتي اوسخ مني في فرط الحركه

ليله…مش فرط حركه والله عيزاكي بس تروحي و تطمني

ايمي….هروح ملكيش دعوه انتي المهم ارتاحي

ليله….طيب خلاص هاتي حضنك

ابتسمت ايمي و هزت راسها شمال ويمين و بعدين خدتها في حضنها و شويه و ناموا تاني حبه