لقاء كارثي

ماريز….بضحكه هاديه ابسطي ياستي الكل عايز يعاكسك

عشري…بهمس باس راس ليله ايه يا حبيبي طمنيني عليكي

ليله….بخير الحمد لله يا حبيبي ايه منظر عينك ده انت منمتش ولا عينك بتوجعك

عشري….لا انا تمام زي الفل

ليله….عينك حمرا اوي يا عشري انت مشوفتهاش ولا ايه

عشري…..متقلقيش والله مش وجعاني و زي الفل كمان

ليله… منمتش صح ؟

عشري…..بابتسامه جميله لا

ليله….طب ليه يا عشري انت عارف بقالك كام يوم صاحي حتي اليوم اللي نمتوا هنا بعد ما رجعنا من المستشفي فضلت صاحي طول الليل كل ما اتقلب الاقيك صاحي

عشري…..بابتسامه معندش نوم يا قلبي

ليله…اربع ايام معندكش نوم يا عشري ولا انت خايف تنام احسن يحصلي حاجه

عشري…..بعد الشر عليكي كل الحكايه انتي عارفه اقدر اطبق بالايام بس وقت ما بنام محدش بيعرف يصحيني و خايف انا يحصل اي حاجه معاكي او مع البنات

ليله….وتفتكر يعني و انت صاحي هتقدر تمنع اللي ممكن يحصلي او يحصل للبنات

عشري…..بعد الشر انا بس عايز اكون مطمن بعدها هنام النوم مش هيطير يا ليله

ليله…مش هيطير بس هتتعب دماغك هتبوظ و عقلك ده محتاج راحه و تفصلوا شويه هتكمل يومك ازاي وانت بالمنظر ده

عشري…بابتسامه حاول يضحك عليها بالكلام مستني حضنك

ليله….بابتسامه حب انت بتسكتني صح

عشري…..اه عشان انتي بقيتي زنانه خالص

ليله…انا زنانه انا خايفه عليك

عشري….عارف والله يا عمري بس انا بخير طول ما انتي بخير اطمن بس عليكي انهارده واوعدك انام و اشبع نوم

ليله……ماشي هنشوف بس لازم تنام بجد عشان تقدر تشوف شغلك انت هتروح علي زايد بعد ما نرجع

عشري…..اه هرجعك و بعدين هطلع علي هناك و هجيلك بليل

ليله….لا مفيش بليل و بعدين انت هتروح علي زايد و تطلع تنام اخواتك اكيد واخدين بالهم من الشغل اطلع ريح ومتجيش بليل بكره ابقي تعالي

عشري…..انتي عايزه تخلصي مني ولا ايه

ليله…..عيزاك ترتاح

عشري….دراحتي جنبك

ابتسمت غصب عنها و بتصلوا بلمعه جميله في عينها

ليله….وبعدين معاك

عشري….بضحكه جميله ايه القمر بتاعي اتكسف

ليله…..لا يارخم و يكون في علمك كلتمي انا اللي هيتسمع

عشري….معندناش حريم تمشي كلامها علي رجاله

ليله…..انا بمشي كلامي عليك عاجبك ولا لا

عشري……فدوه لروحك

ضحكت ضحكه هاديه و بصتلوا بحب