لقاء كارثي

فضل….يارب ديما بخير و ما تنحرم منها ابد و يعوضك انت وهي

عشري…..الحمد لله علي كل شئ لا تحمل هم الله جاب الله خد الله عليه العوض و ما كان عوضنا ولا لينا نصيب فيه ربنا فدا ليله باللي في بطنها و ادام هي بخير انا راضي و مش زعلان

فضل….الحمد لله ربنا يكمل شفاها علي خير هتروح اليوم للدكتور

عشري….اه بس ماني عارف نروح معك انت ونعيمه علي المستشفي ولا هو مش موجود ونروح العياده

فضل…..لو عايز تروح معنا روح هو تقريبا بيكون في العياده بليل و الصبح او في الوقت اللي روحنا فيه وقت ما ليله تعبت كان موجود

عشري….خلاص شويه و هكلم ليله و لو كده بنيجي معكم متي بتروحوا

فضل…..علي 12

عشري….طيب تمام

قرب منهم رشيد

رشيد….صباح الخير يا شباب

فضل..عشري….صباح الخير

رشيد….ايه لسه صاحين ولا بقالكم شويه

فضل….انا لسه صاحب عشري منامش

رشيد….ليه ليله كويسه؟

عشري….اه كويسه بس انا اللي معرفتش انام قلقان

رشيد….والله وانا كمان يا عشري انا نمت بس عارف لما تنام و تغمض بس تحس انك صاحي و شايف الاوضه

فضل…نوم قلق

رشيد…وانهي قلق انا شوفت كابوس مخليني مخنوق والله شوفت ايمي ولدت قدامي و الولاد شكلهم غريب و يخوف اوي

عشري…..استعيذ بالله ربنا يكملها علي خير و تقوم بالسلامه انت بس عشان نايم قلقان

فضل…. ايوه صح كمان كل اللي حاصل ده مبوظ دماغنا خير متقلقش كابوس عادي الله يحميهم و يحمي ايمي

رشيد….يارب اللهم امين بقولكم ايه انا بصراحه مش هرتاح ولا اطمن الا اذا روحت بايمي للددكتوره بتاعتها تطمني عليها وعلي الولاد

عشري…طيب ما تروح انت بتاخد الاذن

عسال….صباح الخير

الجميع…صباح الخير

رشيد….مش كده بس فضل رايح مع نعيمه المستشفي و انت رايح بليله

فضل….طيب روح انت كمان مالك ومالنا اطمن عليها وطمنا حرام هي كان شكلها تعبان

رشيد….طيب انتوا رايحين امته عشان بس مش الكل يسيب نعيمه

فضل….انا هروح بيها علي 12 و بعدين لما هرجع انا معاها متقلقش

عشري….انا كمان احتمال اخد ليله معاهم و نروح هي الدكتوره معاها امته

رشيد…لا بليل علي سبعه ثمانيه

عشري….طيب احنا هنرجع قبل ما تروحوا كمان

رشيد…طيب كويس هروح انا بقي علي المعرض و حسان اكيد هينزل هو كمان هنظبط الدنيا كده و نشوف الشغل و بعدها ابقي اعدي عليها بليل