لقاء كارثي

حنان……ده طلق يا ايمي لازم يا قلبي تطمني

ايمي…هروح امعارده رشيد هيحجز

حنان…علي خير يارب هو الطلق ده يا من المجهود يا من التوتر والخضه اللي حصلت بس خير يارب تقومي بالسلامه انتي وامنيه و يعوض ليله يارب

ايمي…يارب اللهم امين

ماريز…. اهي ليله دي كمان مقطعه قلبي من وقت ما حصل اللي حصل مش عارفه اقولها كلمه تهون عليها و لا عارفه اقول حاجه مش عايزه اضايقها

حنان…..لا بالله عليكم محدش يضايقها خلاص اللي حصل حصل محدش فينا عارف هي حاسه بايه

ماريز…..انا مقصدش اضايقها بالكلام اقصد مش عايزه افكرها

حنان…عارفه بس كده احسن خلوها تنسي مع ان حتي لو عملت نفسها ناسيه هتفضل مضايقه ربنا يعوضها يارب هي و عشري يستاهلوا كل خير والله

امنيه….الحمد لله المهم ان هي بخير

حنان….طبعا الحمل يتعوض انما سلامتها هي بالدنيا

ايمي….دي اهم حاجه الحمد لله.

………….

وصل عشري و فضل علي المستشفي

فضل….نوني تروحي تطمني علي ليله الاول وبعدين نبص علي نادر و نسمه

عشري…خليكم انتوا احنا هنطمن و نجيلكم

نعيمه…لا خلينا معاكم نطمن علي ليله الاول

ليله…..لا ورحي انتي عشان تقفي عندهم شويه و انا هخلص واجيلك عالرعايه

نعيمه…طيب خليني معاكي

ليله…..مش مستاهله يا نوني والله انا بخير يلا روحي انتي مع فضل و هجيلك سليم ده صح؟

فضل….ده سليم و رهف

عشري….سلييييم

رفع سليم ايده و قرب منهم هو ورهف سلموا عليهم

سليم…انتوا لسه جايين

عشري..اه حالا ايه رهف كنتي فين وبا جايه منين

رهف…ااا لا كنت في البيت عادي وجيت مع سليم

سليم…عايزه تطمن علي نسمه و تشوف نعيمه و ليله

نعيمه….بهدوء تعبتي نفسك ليه

رهف…متقوليش كده و بعدين انا مش ورايا حاجه يعني ليله انتي كويسه

ليله….بخير يا قلبي الحمد لله

عشري…طيب روحوا انتوا بقي معاهم و انا هطلع اطمن علي ليله واجيلكم

سليمم…طيب محتاج حاجه

عشري…لا يا حبيبي انا جاي وراكم

طلعوا هما علي المبني بتاع الرعايه وعشري خدها و طلعوا للدكتور سأل عليه عرف انه لسه موجود استنوا حوالي خمس دقايق و بعدين دخلوا مكانش في غيرهم

عشري…..مساء الخير يا دكتور

الدكتور…اهلا مساء النور ايه الاخبار

ليله….بخير يا دكتور الحمد لله

الدكتور….ايه احسن ولا في اي حاجه طمنيني

عشري….. مبدئياً بس قبل اي حاجه يا دكتور انا عايز نعمل تحليل عشان نعرف نسبه الهيموجلوبين ظبطت ولا هتحتاج محاليل