لقاء كارثي

عشري…..ايه انتي كويسه يا قلبي

ليله….اه الحمد لله

عشري…ماسكه دراعك ليه طيب ايدها تقيله ولا ايه

ليله….بابتسامه بصراحه اه شويه

عشري….معلش المهم نطمن

ليله….ان شاء الله هو انا ممكن اطلب منك طلب

عشري…عيوني

ليله….هو ممكن انا اروح مع نعيمه وفضل و انت تمشي

عشري….لا هوصلك وامشي

ليله…يا حبيبي ماهما كده كده راجعين عالبيت ايه اللي يخليك ترجع عالتجمع و بعدين تروح زايد

عشري…..اطمن انك كويسه و همشي

ليله…طيب ما انا كويسه و بعدين هروح معاهم مش لوحدي

عشري….مبقتش صدقك اتعلمتي الكدب

ليله….بضحكه جميله البركه فيك

عشري….بضحك طب انا متربتش تعملي زيي

ليله….من عاشر القوم يا بلطجي

عشري….طب انا راضي تكدبي عليا في اي حاجه الا في صحتك

ليله….بجد طيب كويس ادتني التصريح

عشري….يا ستي معاكي كل التصاريح والصلاحيات الا انك تقولي كويسه وانتي مش كويسه

ليله…..و حياة عشري انا حقيقي كويسه و جدا كمان مش عيزاك تقلق

عشري….اهو اللي انتي بتقولي ده انا مش مصدقه

ليله…طب ليه طيب و حياة غلاوتك عندي انا بخير لو صحيا صدقني مفيش غير الم بسيط لو نفسيا الحمد لله علي كل حال اكيد هبقي احسن و عارفه ان ربنا هيعوضني

عشري…. بابتسامه تجنن هيعوضك يا ليله عوض بجد تستاهليه كفايه انك راضيه

ليله…..الحمد لله

قربوا اكتر من باب الرعايه و جريت ليله بسرعه لما لقت نعيمه منهاره في ايد فضل و رهف واقفه بتعيط و سليم واقف مخضوض

ليله…في ايه ؟

عشري….في ايه يا فضل

فضل….خي خير خير

نعيمه….بدموع نادر تاني مره قلبه يقف يا ليله اخويا بيموت يا ليله اعملوا حاجه والنبي

بصت ليله بصدمه و مسكتها بسرعه ضمتها في حضنها

نعيمه….بدموع قفلوا الستاره يا ليله حد يدخل يقولهم حاجه كملت بانهيار و هي بتصرخ اخويا لا يا فضل و النبي عشري بالله عليك اعملوا حاجه

عشري….طيب اهدي اهدي

فضل…..نعيمه والله هيبقي كويس والله هيبقي بخير

نعيمه…..قلبه وقف مرتين يا فضل عايز يروح معاهم و يسيبني انا ونسمه

فضل….لا لا يا قلبي والله هيبقي بخير ربنا كريم

ليله….اهدي يا نعيمه هنطمن والله

نعيمه…..نطمن ايه كانوا بيضحكوا علينا لما بنسالهم و يقولوا كويس كان بيحصل في اخويا ايه وانا مش معاه اخويا قلبه وقف قدامي يا ليله انا ملحقتش اقف واشوفهم قلبه وقف فاق و رجع تاني بعدها بدقيقتين