لقاء كارثي
لقاء كارثي
ليله…..طيب لو المستشفي افضل خلاص علي الاقل تبقي تحت عنيهم
رشيد….اهي قدامك اقنعيها
ليله….لا مش بمزاجها ده غصب عنها
نعيمه…طيب هو مش الولاده الطبيعي احسن فين المشكله انا مش فاهمه
سلمي…..احسن لو في معادها يا نعيمه ولو كلهم واخدين وضع الولاده اللي هو يكونوا في الحوض لكن دي واحده بس كمان ايمي لسه موصلتش للسابع و اي مجهود فعلا ممكن يخليها تولد بدري عن معادها بكتير
حنان….انا قولتلكم في الاول دي اعراض طلق مبكر وادام في حد من الولاد في الحوض الطلق بيشتغل
ايه…طيب خلاص تتحجز في المسشتفي زي ما ليله قالت تبقي تحت عينهم
رشيد….الدكتوره حاولت تقنعها رفضت
ليله….يعني ايه رفضتي اصلا انتي عايزه تعرضيهم و تعرضي نفسك للخطر
ايمي….انا مش هروح مستشفيات من الوقت لو هولد في السابع قدامي شهر ونص ولو هولد في التاسع هيبقي قدامي حوالي ثلاث شهور مستحيل اقعد المده دي هناك مش هقدر
ليله….ليه مش هتقدري هي هي اعتبري نفسك في البيت
ايمي…مش هقدر يا ليله مش هقدر مش هعرف انا اتحبس في اوضه في مستشفي الفتره دي نفسيا مش هتحمل و مش هقدر امرمط معايا اي حد فيكم
ليله….وانتي مالك ومالنا حد اشتكي هنعتبرك في البيت عادي و هنعدي عليكي نقعد معاكي شويه
رشيد….و انا هفضل معاكي
ايمي….ماهو عشان كده انا مش هروح تفضل معايا فين هاسيب شغلك و هما هيسيبوا اللي وراهم
عشري…..ياستي احنا هنشيل عنه ملكيش دعوه و لو علي البنات زي ما ليله قالت انتي مش محجوزه في همليه لا قدر الله انتي هتعتبريها اقامه جبريه كانك في اللبت بس تحت رعايتهم و اللي هيجيلك هيجي يقعد معاكي يسليكي مش يزورك يعني كانك في البيت
ايمي…..هو انتوا هتشيلوا عن فضل ولا سليم و لا رشيد مش هينفع يا جماعه انا هفضل في البيت انما تعب و مرمطه لا
نعيمه….يا سلام ما انتوا كلكم متمرمطين معايا و لما طلبت منكم تمشوا محدش فيكم راضي
ايمي…وضعك مختلف عني يا نعيمه انتي اخواتك بامر الله قاعدين لفتره و محدش فينا متمرمط بسببك احنا اللي مش عايزين نسيبك وانتي في الحاله دي لان محدش فينا هيقدر و ان شاء الله كلها فتره بسيطه و بفوقوا وشويه والدكتور يكتبلهم خروج و يتابعوا علاجهم من البيت لكن انا هبقي مقيمه
نعيمه…مفيهاش حاجه هنشيل بعض كلنا زي ما انتوا واقفين معايا هنقف معاكي و عشري قالك اهو كانك في البيت هنيجي نقعد نسليكي شويه عشان متزهقيش حتب انت يارشيد مش شرط تقعد روح شغلك وتعالي شوفها عشان هي متحسش انها معطله حد انا فاهمه ايمي في النقطه دي و حاسه بيها فا خلوها براحتها و اللي هتقعد معاها بس مرافق هتبقي چوي يعني كانها في البيت
