لقاء كارثي

رشيد….يا ستي والله هيبقوا بخير تصدقي و تأمني بايه يا نعيمه

نعيمه…لا اله الا الله

رشيد….انا حاسي ان اخواتك هيبقوا احسن منك صحياً و نفسياً يعني هيتقبلوا اللي حصل بصدر رحب و يحمدوا ربنا و اللي انتي خايفه منه مش هيحصل

سلامه…والله وانا كمان حاسي ان هما اللي هيهدوكي

نعيمه….ربنا يسمع منكم انا مرعوبه يقوموا فيهم حاجه و مرعوبه لما يعرفوا الخبر

ايه….والله هتعدي هيقوموا بخير و مفيهمش اي حاجه و كمان احنا مش هنسيبهم لما يعرفوا و هنقدر نهديهم انتي لو فضلتي كده هما هيقوموا ويبقوا كويسين وانتي اللي هتقعي مننا

فضل….سمعتي يعني مش انا بس اللي بقولك

سلمي…..يلا يا بنات قوموا افطروا يلا يا زوزو انتي وامنيه

ماريز…بالف هنا احنا سبقناكم

نادين….يلا يا زوزو قومي بقي

ماريز…والله ملنا يا قلبي انا صاحيه من بدري فطرت حماده و فطرنا

رشيد….حماده عامل ايه

ماريز….بنظره اسف الحمد لله شويه كده و شويه كده لسه بقول لنعيمه عايز يجيلها بس مش قادر يشوفها و هو في الحاله دي

رشيد….. نوني قويه وزي الفل هو كمان لازم يشد حيله هبقي اعدي عليه وانا رايح الشغل

ماريز….اه ياريت يا رشيد

ايمي….انا كمان هفطر واكلموا

ماريز…كلميه و فكيه شويه انا مش قادره عليه بصراحه و في نفس الوقت عذراه يلا بس قوموا افطروا

نعيمه….بهدوء طيب قوموا يلا انتوا كمان كلوا

فضل…احنا سبقناكم ميدو عملنا فطار و كلنا

عشري…يلا بس انتي وليله كلوا عشان ننزل

قام البنات كلهم فطروا و بعد وقت مش طويل جهزت ليله و نعيمه و نزلوا مع الشباب

رشيد و حسان كمان نزلوا و ميدو وسلامه و فضلت زوزو مع البنات

بعد حوالي ساعه الا ربع الباب خبط راحت نادين فتحت لقتها حنان

نادين….حنون تعالي يا قلبي

حضنتها حنان و سلمت عليها

ايه….حنون انتي جايه لوحدك ولا ايه

حنان….ريهام وصلتني تحت البيت وراحت المطعم عامله ايه الوقت يا ايه

ايه….الحمد لله يا حبيبتي تعالي زوزو جوه

حنان…طيب امسكوا مني يا حبايبي حطوا الحاجه دي في المطبخ و هسلم علي زوزو واجي اشيلها انا

ايه…ايه كل ده

حنان…..شويه حجات عملتهالكم خدوا بالكم بس في حجات سخنه احسن تتلسعوا

سلمي…..اهلا يا حنون ادخلي واقفه ليه

حنان…ازيك يا قلبي عامله ايه

سلمي…الحمد لله تعالي ادخلي فين ريهام