لقاء كارثي

ايمي….بغضب انا محدش يقولي اسكتي او كفاااايه انتوا مستوعبين المصيبه اللي احنا فيها

حسان….ايمي ايمي عشان خاطر ربنا مش وقته رحاب قالتلك دي كانت رغبه ليله و خافت عليكم و خافت عليكي انتي اول واحده يعني لو كان حصل ايه مكانتش هتعرف تقنعها انتي حافظه ليله

ايمي….كانت خبطت راسها في اتخن حيطه تزعل ولا تتفلق المهم هي مكانش لازم تسكت وتخبي بدل ما هي راحه جايه تجيبلها في مسكن و تجيبلها في هدوووووم كانت ساعدتها بتنزف يا نااااس بتنزف و كل اللي فارق معاها تجيبلها غياااار
ليله لو جرالها حاجه انتي هتبقي السبب في اذيتها و انا مش هسيبك و اللي خلقني وخلقك يا رحاب ما هسيبك لو ليله اتأذت

حماده…رشيد خد مراتك بعيد عن هنا

رحاب….بدموع وهي و اقفه مع البنات و الله العظيم انا مليش ذنب قولتلها كل ده قولتلها لو حد عرف هيزعلوا مني انا

فضل…..رحاب طيب معلش عشان الوضع والله مش حلو واكتى من كمه هيخرج عن السيطره خليكي لعيد طيب عنهم الوقت افضل

عمر….فضل بيتكلم صح يا رحاب معلش خليكي بعيد عنهم علي الاقل الوقت

رحاب…ياعمر انا محطوطه في موقف زي الزفت و من حقي اشرح اللي حصل

عمر….مش وقته يا رحاب نطمن بس علي ليله ولعدين كل حاجه هتتحل

عبدالله….تعالي يا رحاب طيب نروح نقعد في الاستراحه

رضوي….يلا يا رحاب من فضلك

خدوها و بعدوا شويه عنهم و البنات فضلوا واقفين مع عشري والشباب و اخوات ليله اللي كانوا هيتجننوا و مش طايقين رحاب و في نفس الوقت ساكتين عشان المشكله متكبرش اكتر

رشيد…ممكن بقي تهدي شويه خلاص هي بعدت ايمي والله العظيم الوضع مش متحمل

ايمي…..بصتلوا ونزلت دموعها بوجع اهدي ايه يا رشيد انا حاسه اني في كابوس والله العظيم و روحي بتتسحب دي ليله يا رشيد يعني ايه تبقي بتجهض من امبارح ومحدش فينا حس بيها يعني ايه محدش فينا لاحظ تعبها

بصوا البنات لبعض و بدأوا ينهاروا علي عياط ايمي و كل واحده فيهم بدأت تلوم نفسها

نعيمه….بدموع و انهيار انا السبب انا السبب في كل ده انا السبب في موت امي وابويا و رقدة اخواتي و كسرة ليله ياريتني موت ولا شوفت اليوم ده

حسان…لا لا لا نعيمه اهدي يا ماما مفيش حد فيكم السبب و بطلي تلومي نفسك انتي مش السبب في اي حاجه

سلامه…..نعيمه ده قدر محدش فينا يقدر يغيره