لقاء كارثي

قرب وليد من عشري طبطب علي كتفه و الاتنين ضموا بعض و الشباب فضلوا يطبطبوا علي ضهرهم

حست رحاب براحه فظيعه كانت شايله الهم و خايفه و متوتره و احساسها ان الكل حاطتها في وضع اتهام كان مضايقها يمكن كمان كانت خايفه يحصل اي حاجه لليله لان وقتها محدش هيسامحها ابدا لكن اللي كان فارق بجد معاها ان هي تبقي بخير كلام الدكتور ريحها جدا و خدت نفس طويل و هي بتحمد ربنا..

رحاب….حمد الله علي سلامه ليله يا عشري

بصلها عشري بهدوء و سكت

رحاب….بصت بصه سريعه لاخوات ليله و لايمي و البنات حمد الله علي سلامتها يا جماعه ربنا يكمل شفاها علي خير و يطمنكم عليها و بعتذر مره تانيه علي اللي حصل قربت من نعيمه بهدوء ان شاء الله نطمن قريب علي اخواتك يا نعيمه

نعيمه…بهدوء يارب يا رحاب

رحاب…انا همشي الوقت بس هبقي اجيلك تاني و هكلمك اكيد ماشي

نعيمه….ماشي يا رحاب شكراً بجد

رحاب….علي ايه انا معملتش اي حاجه لو احتاجتي اي حاجه عرفيني انا عارفه ان انتي والبنات تعبانين جدا بس انا موجوده معاكم برضوا

نعيمه….شكرا يا رحاب بجد ووو يعني متزعليش من اللي حصل انتي عارفه ان كلنا اعصابنا بايظه خالص
و انا عارفه ان اكيد مكنتيش هتقدري علي ليله

رحاب…بابتسامه بسيطه طبطبت علي كتفها خالص والله عشري اخويا وانتوا اخواتي و اكيد مقدره كل الضغط و الظروف دي انسي اهم حاجه ان ليله بخير و هتبقي بخير اكتر البقاء لله يا حبيبه قلبي وربنا يطمن قلبك علي اخواتك و نفرح بخروجهم بالسلامه

نعيمه….بجد شكرا يا رحاب

رحاب…متقوليش كده احنا اخوات بكره باذن الله هجيلك اطمن عليهم و هكلمك الاول عشان اعرف انتي فين و اكيد معاكي بعد بكره في العزاء

نعيمه…تسلمي يارب

باستها و بعدين استاذنت و مشيت بعيد شويه وقفت مع رضوي و عبدالله ونجود يتكلموا شويه

ثواني و خرجت ليله من غرفه العمليات جري عشري عليها هو والبنات واخواتها

عشري…. ليله ليله

ايمي….ليله حبيبتي سمعاني

اتحرك الممرضين بسرعه بالترولي وهما وراها كلهم دخلوا بيها الاوضه كانت عامله زي جناح صغير غرفه داخليه و مكان صغير في كنب وكراسي زي الانتظار كده دخل عشري و وليد و حمزه ابن اميمه و نقلوها مع الممرضين علي السرير و ظبطولها كل حاجه و بعدين خرج الممرضين و سابوهم

كانت طبعا مش دريانه بنفسها خالص يادوب فوقوها في الغرفه بس رجعت نامت تاني لسه تاثير البنج مراحش