لقاء كارثي

كانت خايفة عليا أنا وعلى ولادي أكتر من خوفها على نفسها.

ليه يا ليلة؟ ليه مخلتنيش أشيل معاكي؟ ليه قررتي لوحدك إن وجعك يكون أهون من وجعنا؟

أنا كنت مستعدة أخسر الدنيا كلها ولا أشوفك بتنزفي لوحدك.

أنا زعلانة اوي والله مش عشان خبت زعلانة لأنها وصلت لمرحلة إنها اقتنعت إن لازم تتوجع في صمت عشان تحافظ علينا كلنا

عسال….بحزن طيب وده سبب كافي يا ايمي يخليكي تهدي انتي والبنات عشان خاطر تحس انها كانت صح انتي متخيله لو صحيت لقت حد فيكم فيه حاجه هيحصل فيها ايه

ايمي.. بانهيار وهي ماسكه بطنها أنا مش فارق معايا أي حاجة دلوقتي لا تعب ولا حمل ولا أي حاجه أنا عايزة ليلة عايزة ليله وبس!

الغبيييييية الغبية
اجهضت وكانت بتنزف وسكتت سكتت عشان تحافظ علينا
حفاظها علينا كان تمنه وجعها هي

عشري….ايمي ايمي و غلاوة ليله اهدي شويه ارجوكي

رشيد….ايمي عشان خاطر ليله اهدي يا حبيبتي شويه

ضمها في حضنه وفضلت تعيط نادين قربت منها وفضلت تهديها و كان الموقف صعب علي البنات جدا نعيمه منهاره و ايمي منهاره و البنات منهارين

حنان…..يابنات وحدوا الله و ادعولها بس تخرج بالف خير كل حاجه بتتعوض و انت يا حبيبي شد حيلك ربنا يرزقكم و يعوض عليكم متزعلوش ملهاش نصيب فيه حتي لو كانت عرفت المل لو نصيبها تفقده هتفقده احنا الوقت بنتكلم في ايه اللي حصل حصل خلاص المهم سلامتها و النزيف ده ميكونش اثر عليها و زي ما قال عشري يا بنات هي شافت الكل منهار فا قررت تسكت و تخبي وجعها فا احنا نخليها بقي تحس ان اللي عنلتوا ده كان صح لو وافقت ولا قدر الله واحده فيكم واقعه من طولها مش هتبقي مبسوطه

تقي….بدموع و غضب بسيط جتي لو هي غلطت انها خبت رحاب غلطت اكتر و لازم تدفع تمن غلطها ده لانها مكانش ينفع تسكت

مها….ممكن تسكتي انتي بقي شويه

تقي…بدموع لا مش هسكت دي الحقيقه لو كانت قالت ان ليله بتجهض و بتنزف كان ممكن تتلحق كان ممكن متجهضش اصلا

احمد….يا تقي يا بنتي كل حاجه مكتوبه محدش فينا يقدر يرجع اللي حصل لو هنتكلم عن مين غلط ومين مغلطش مش هنخلص اللي حصل حصل كل اللي في ايدنا الوقت ندعي لليله تخرج بالسلامه دي اهم حاجه العيل بيتعوض و الغلط بيتصلح المهم صحتها عشري يا حبيبي شد حيلك و ربنا يعوض عليك

عشري…بهدوء خد نفس عميق بحزن فداها اي حاجه المهم تخرج بخير بس مش عايز حاجه تاني