لقاء كارثي
لقاء كارثي
ايمي….مش هقدر مش هقددددر اطمن عليها وبعدين هعمل اللي انتوا عايزينوا
حسان…..ايمي انتي حامل حرام لازم تاكلي
ايمي….بدموع يا ناس سيبوني بقي انا كويسه قدامكم اهو
سلمي…بدموع سيبونا شويه طيب خلونا براحتنا محدش فينا ليه نفس والله العظيم
عشري…..ايمي انتي و سلمي و نعيمه و ايه ونادين لو ليله غاليه عندكم بجد لازم تاكلوا كلكم باين عليكم التعب
حنان…..كلوا طيب علي قد نفسكم حاجه بسيطه تخليكم تقدروا تقفوا انتوا يا بنات مع كل خطوه ماشيين بتطوحوا محدش فيكم موزوون
عشري….يلا يا ايمي
رشيد…..عشان خاطرنا يا ايمي وحياتي عندك
ايمي….و الله العظيم هاكل و هاكل البنات بس والنبي نطمن بس علي ليله علي الاقل نرتاح شويه من اللي احنا فيه ده وقلبنا يطمن
رشيد……ماهو الدكتور طمنا يا قلبي وقال انها بخير
ايمي…..بدموع تفوق طيب يا رشيد تفوق والله هناكل
خبط مصطفي ودخل و هو معاه شنطتين كبار في ايده
مصطفي….سلام عليكم
الجميع…عليكم السلام
سلامه…انت روحت فين؟
مصطفي….ااا انا خرجت جيبت مايه وعصير و كيك و يعني شويه حجات كده محدش فيكم كل حاجه خالص و كلكم تعبانين
سلامه…اهو جه في وقته محدش فيكم ليه حجه
رشيد….طبطب علي كتفه حبيبي انت
حسان….اشربوا بقي العصير و كلوا اي حاجه خفيفه لحد ما تفوق زي ما انتوا عايزين و بعدين نبقي نشوف موضوع الاكل
مصطفي….ميدو امسك معايا خدي يا ريهام ادي للبنات هات دول لسليم
عشري….هو فين سليم صحيح كان هنا
مصطفي….قاعد عالكنبه بره
مسك رشيد عصير فتحه لايمي بصتلوا وهي بتعيط
رشيد….بعصبيه بسيطه بصي ده هيتشرب مش عايزه تاكلي متاكليش بس هتشربي
ايمي….والله هتعب وهرجع
رشيد…رجعي مش مهم اخلصيييي
حنان….اشربي يا قلبي حبه صغيره طيب السكر ده هيظبط الدنيا شويه
فضل…قرب من نعيمه يلا يا حبيبي
نعيمه….بدموع في حاجه في زوري واقفه مش قادره اكل او اشرب
فضل….مفيش حاجه في زورك يا قلبي والله مافي انتي بس عشان مكلتيش حاجه من امبارح يلا عشان خاطري و حياتي حبه صغيره بس
عسال…..امسكي اشربي كله
مسكت نادين من ميدو العصير وهي دموعها نازله
عسال….ميتمسكش و يتساب تشربي ماشي
هزت راسها و سكتت
قرب عشري بهدوء من ليله اخيرا لما الكل بعد شويه عنها مال علي راسها باسها بوسه طوووويله و بعدين مسك كفها و سند راسها علي جبهتها و غمض عينه
