لقاء كارثي

ايه……اهي بتفوق تاني

ايمي…..لولي قلبي قومي يا روحي و النبي

نعيمه…..ليله سمعاني انا نعيمه

ليله…..امممم نوني

نعيمه…بدموعه انا اهو انا جنبك يا قلبي

نادين…..فتحي عينك يا لولي والنبي احنا جنبك كلنا سمعانا

عشري….بنبره وجع يا ليله

كانت مغمضه و عينها بترمش جامد و بتتحرك

دخل رشيد

رشيد….الدكتور جاي الوقت الممرضه بتنادي عليه

وليد….طيب كويس

ايمي…..لولي سمعاني يا قلبي يلا فوقي بقي كفايه كده

ليله….امممممم اااااه ااااه

ايمي….بدموع ايه اللي بيوجعك يا قلبي هي مش بتفوق ليه طيب

رشيد….بتفوق يا ايمي لسه تحت تاثير البنج سيبوها براحتها

حنان…..متخافوش يا حبايبي ده طبيعي وبعدين هي مش نايمه و مرهقه يعني حتي لو فاقت هترجع تنام تاني المهم بس نطمن عليها

سمعوا صوت خبط الدكتور فتحلوا مصطفي وسليم و دخلوا

الدكتور…مساء الخير ايه الاخبار

عشري….طمننا يا دكتور هي ليه مش بتفوق مش المفروض فاقت في العمليات

ليله…امممم

الدكتور…بابتسامه بسيطه ماهي بتفوق قدامك يا بطل اهو اجمد كده و بعدين الافاقه اللي بعد العمليات بنطمن بس ان نسبه وعيها كويسه مش معناها تخرج فايقه 100٪ هي هتاخد وقت بسيط و هتلاقوها فاقت و هتفضل برضوا دايحه شويه هي بتستعيد وعيها بالتدريج متقلقش انا بس هستاذنكم اطمن عليها و اشوف اخبار النزيف

رشيد…..طيب طيب يلا يا شباب تعالوا

وليد…..خليك معاها يا عشري

عشري هز راسه خرج الشباب كلهم وقفلوا الباب و طبعا عشري كان غيران جدااااا و هيموت بس مضطر يسكت

الدكتور كشف عليها و قاس الضغط و فتح عينها و بدأ يخبط شويه علي وشها و يكلمها عشان تتنبه اكتر

الدكتور…..ليله ليله سمعاني

ليله…اااااامممم

بدات ترمش و تحاول تفتح عينها وتقفلها

الدكتور…الضغط كويس جدا والحمد لله مفيش نزيف زي الفل

ايمي…..يعني هي بخير

الدكتور …جدا متقلقوش هي بدات اهو تستعيد وعيها

عشري……يعني بجد بخير

الدكتور….بابتسامه والله بخير وزي الفل

ليله…..عشررري

عشري….. ايوه ايوه انا جنبك يا قلبي

الدكتور…..حمد الله علي سلامتها ساعه كمان تكون فاقت اكتر وهاجي ابص عليها مره تانيه

سلمي…ميرسي يا دكتور

الدكتور…العفو

خرج الدكتور و دخل تاني الشباب

و هنا بدات ليله تحس انها سامعه اصواتهم لكن في اصوات تانيه صوتها اعلي في عقلها…