لقاء كارثي
لقاء كارثي
دخل البنات و اخواتها و امينه و ماريز وحنان و الشباب والرجاله كلهم كانوا بره عشان الزحمه.
قرب منها البنات باسو راسها و هما عمالين يعيطوا زي الاطفال الصغيره اللي خايفين علي امهم ايمي نامت علي صدرها و مسكت كف ليله بين كفوفها وكانت منهاره في صمت مش راضيه تسيبها و نادين ماسكه ايدها التانيه عماله تبوس فيها وتعيط و نعيمه عماله تبوس راسها وتعيط و سلمي وايه واقفين ماسكينها وبيعيطوا هما كمان
واميمه بقت تعيط و تمشي ايدها علي جسمها هي وتقي و مها و قمر و الكل بجد كان هيتجنن عليها و عشري واقف باصص عليها بعيون مكسوره كان عامل اكتر منهم زي الطفل اليتيم
لا قادر يقولهم ابعدوا عنها و سيبوهالي و لا عارف يدخل وسطهم
حنان…..كفايه عياط يا حبايبي كفايه ياولاد عينكم هتتعب والله
نجود…..نوني حبيبتي قلبك هيقف والله انتي والبنات اهي خرجت وبقت بخير و الوقت تفوق و نطمن عليها اكتر
ماريز…خدوا بالكم لو فضلتوا تعيطوا كده كتير هخرجكم بره الدكتور قال محدش يتعبها و بعدين لو فاقت ولقتكم بتعيطوا كده هتتوهم علي نفسها وتفكر فيها حاجه يا حبايبي سلمي انا بقول عليكي عاقله يا ماما اهدي و هديهم شويه
سلمي….بوجع انهارت هموت عليها يا زوزو والله
ماريز…..بعد الشر عليكي وعليها هتبقي زي الفل
امينه……سلامة قلبك و قلبها يا حبيبتي وحدوا الله يا بنات و روقوا خلاص هي وسطنا الوقت و بخير
حنان…..ايمي ايمي
قربت ايه من ايمي تشدها بهدوء
ايه…..ايمي انتي كويسه
صوت شهقاتها كان يقطع القلب
نجود…لا لا لا كده انتي بتهرجي يا ايمي مينفعش يا ماما كده والله هتتعبي
ماريز…..بحزن قربت من ايمي و مالت عليها ضمتها من ضهرها و باست راسها بس يا حبيبتي
انهارت ايمي في حضن ليله فضلت ماريز تطبطب عليها و البنات حاولوا يهدوها
امينه…..ايمي غلط يا بتي علي اللي في بطنك كده يا جماعه اعملوا حاجه ضغطها هيوطي مبطلتش بكاء من امبارح
عشري….بهدوء قرب منها ايمي ايمي بصي لو فضلتي تعيطي هنادي علي رشيد يروحك اديني قولتلك اهو لو تعبتي و ليله صحيت لقتك تعبانه هتتعب اكتر انتي عارفه
ايمي….بدموع مقالتليش يا عشري مقالتليش وخافت عليا
عشري….بحزن مقالتش لحد خالص يا ايمي و لا حتي انا و انتي عارفه كويس انها اكيد خافت تخوفك و توترك يبقي تحافظي علي نفسك عشانها مش كده
