لقاء كارثي

بس خليني برضوا اوضح هي الحمد لله حالتها مستقره وكويسه جدااا بس هي فقدت كمية دم مش قليلة وده نزل نسبة الهيموجلوبين عندها بشكل واضح و ده طبيعي طبعاً وعلشان كده هتحس بإرهاق شديد أول ما تفوق ويمكن تفضل كام يوم محتاجة راحة وعلاج يعوض الدم اللي فقدته.

حسان….طيب هي محتاجه يعني نقل دم ولا ايه بالظبط

الدكتور….لا خالص اينعم الهيموجلوبين نسبته كانت قليله ده بسبب النزيف والدم اللي فقدته لكن مش محتاجه نقل دم الادويه و السوايل والتغذيه هتظبط كل حاجه

ابتسم ابتسامة هادية وهو بيطمنهم
لكن بشكل عام حالتها مستقرة الرحم كويس جدا النبض والضغط تمام وإحنا سيطرنا على كل حاجة النزيف و عملنا تنضيف للرحم محتاجة راحة بس وإن شاء الله خلال وقت بسيط هتبدأ تفوق وأتمنى لما يحصل ده محدش يضغط عليها أو يوجه لها أي لوم.

جسمها ونفسيتها مروا بحاجة صعبة جداً وهي محتاجة تهدى قبل أي شئ

رشيد….طيب بالنسبه للراحه اللي حضرتك بتقول عليها يعني تقصد انها تفضل قاعده في المستشفي ولا راحه عموما

الدكتور….لا لا خالص انا بقولك اول مره اكون مستغرب بالشكل ده حالتها مش محتاجه انها تفضل في المستشفي اصلا بالعمس انا شايف ان الافضل ليها تبعد عن الاجواء دي لان اللي اعرفوا ان الحادثه اللي حصلت تخصكم و اكيد كل ده مأثر عليها فا الافضل تبعد عن الجو ده خالص يومين تلاته ده هيساعدها تبقي افضل نفسيا يعني من هنا لحد ما تفوق خالص انا هكون بتابعها كل شويه و لو كل شئ مستقر هكتبلها خروج بس لو حابين انها تفضل لحد بكره تمام لكن هي حالتها مش محتاجه و طبعا الكام ساعه اللي جايين هنطمن اكتر

عشري….الافضل ليها طبعا هيتعمل يا دكتور شوف حضرتك و انا معاك

الدكتور….زي ما قولت هي حالتها مش محتاجه تفضل بس خلينا نطمن اكتر لما تفوق حمد الله علي سلامتها

عشري….شكرا يا دكتور تعبناك معانا

الدكتور…لا خالص مفيش اي تعب ده شغلي هي الوقت هتتنقل الغرفه و تقدروا تبقوا معاها و لو في اي حاجه بلغ الممرضه و هجيلكم فوراً

وليد….شكرا يا دكتور

امينه حضنت اميمه و قمر كانوا عمالين يعيطوا

و ايمي و نعيمه حضنوا بعض و حضنوا البنات ايمي كانت فرحانه وحاسه ان قلبها ارتاح لما سمعت من الدكتور ان حالتها كويسه و ان ده مأثرش علي الحمل مره تانيه