لقاء كارثي
لقاء كارثي
عشري….اكيد مش هسيب ليله بس هتصرف هقعد في اي مكان قريب منها
نادين…بدموع اي مكان ايه يا عشري احنا هنفضل مع بعض في البيت معاهم و انت خليك في شقتي اهو عالاقل جنبنا و لو حد من الشباب هيفضل معاك عشان تبقوا قريبن تبقوا مع بعض
سلمي….ايوه خليكم مع بعض اليومين دول علي الاقل و في نفس الوقت تبقي جنب ليله
عشري…..هنظبطها احنا احنا مع بعض متقلقوش
نجود….طيب انا هقول للبنات يجوا يطمنوا عليها عشان يروحوا و الزحمه دي تخف شويه.
عشري….ماشي
راحت نجود نادت عليهم دخلوا اطمنوا عليها و باسوا راسها و فضلوا يواسوا في اخواتها والبنات و عشري
و يواسوا في نعيمه و يقولولها هنكلمك و هنجيبلك و لو محتاجه اي حاجه
الكلام اللي بيتقال في المواقف دي لكن كان واضح انه من القلب بجد
فضل سليم و عدي بس مع عشري و اخواته روحوا مع زوجاتهم وابوهم وامهم و نجود اللي مشيت بالعافيه و نعيمه قالتلها تمشي مكانتش راضيه ابدا
شويه و شيرين كمان و عاصم و اخوات نادين مشيوا وعلا وشادي اللي كانوا واقفين معاهم و قفه حلوه جدا و اهل رشيد واهل حسان و بدأ الكل واحد وراء التاني يمشي
وليد…احمد انت وسامح يلا خدوا قمر واميمه و روحوا عشان العيال لوحدهم من امبارح
اميمه….انا مش همشي و مش هسيب ليله
قمر…ولا انا سامح يروح
وليد….لا هتروحوا عشان لازم ترتاحوا بكره ورانا يوم طويل و بعدين ليله شويه و تفوق وهتروح
اميمه….امشي واسيبها ازاي يا ناس
وليد….دقيقه كمان و هتقعي من طولك و لا عيزاها تشيل همك وهم اختك وهي تعبانه كده روحي و لو حابه تجيلها الصبح عالبيت قبل العزاء تعالي و بعدين لما تفوق هخليها تكلمك
ماريز…..روحي يا اميمه للولاد حرام ولادكم صغيرين يا بنتي حتي حمزه معاكي هنا يعني نوح و خديچه مش هيقدروا عليهم هما عايزين اللي ياخد باله منهم روحي بدل ما حاجه تحصل لا قدر الله و زي ما قالك وليد بكره عدي عليها
اميمه…بدموع قلبي مش هيطاوعني يا ناس
عشري….احنا مش هنطول بامر الله هي بس تفوق وهنروح عشان ترتاح هي والبنات وانتي تعالي بكره انتي وقمر
وليد…..عدي معلش تروح معاهم توصل مها وتقي
عدي…..اكيد طبعا
وليد…..هتوصل بس مع اميمه تاخدوا البنات و توصلهم بنفسك و تطمن عليهم
تقي….بدموع طيب خليني معاك لحد ما ليله تفوق
