لقاء كارثي

محدش فيهم كان فاهم اي حاجه يعني ايه ليله بتجهض ؟؟

طيب هي امته كانت حامل ؟؟

الف سؤال كان في جوه كل واحد فيهم خصوصا عشري اللي حس ان عقلوا وقف بجد لكن اللي لفت نظره في الموضوع كلام رحاب ان ليله كانت حامل وبتجهض من امبارح و محبتش تعرف حد !!

اكتفي بنظره غضب رهيبه و جري عشان ينقذها روحه كانت رايحه معاها ملحقش يفوق من صدمته و خوفه عليها من الحادثه فجأه كده تبقي غرقانه في دمها بين ايديه..

محدش فيهم كان عارف هو سايق ازاي ولا بيجري ازاي وراء عشري علي الطريق لكن كان وقت صعب بجد عدي علي الكل..

حتي نعيمه ملحقتش تفوق من صدمتها و وجعها خدت صدمه اكبر لما سمعت صرخه سلمي و هنا نعيمه زيها زي باقي البنات الحزن كان بينهش في قلبهم لكن كانوا لسه بيقاوحوا لكن وقعت ليله بالنسبه ليهم كملت عليهم جايز نعيمه و البنات منسيوش المصيبه اللي هما فيها لكن خوفهم علي ليله شوش عقلهم شويه و بالاخص نعيمه لان وجعها كان مخليها حاسه انها هتموت بس وقعت ليله كأنها فوقتها شويه و بقت هتتجنن و مش مستعده ابدا تخسرها هي كمان

وصلوا المستشفي و الكل جري وراء عشري اللي شايل ليله و عمال ينادي علي اي حد يلحقوا اخواته و الشباب و البنات كانوا طايرين وراه بينادوا هما كمان بعصبيه و اعصاب مشدوده

ليله عماله تنزف و مغرقه الدنيا دم و عشري كل هدومه و ايده اتبهدلوا كأن حد دابحه..

خرج بسرعه علي صوتهم كذا دكتور من الطوارئ و ممرضين معاهم ترولي حطها عليه و خد ها منه و جريوا و هو بقي يجري وراهم

الدكتور سأل فيها ايه عشري كل اللي قاله وهو تايه

عشري….بتجهض مراتي بتجهض!!

دخل الدكتور معاها بسرعه و وقف عشري مصدوم عينه رايحه جايه بتقول كل الكلام والاسئله اللي لسانه مش قادر ينطقها صدمته كانت مخلياه مش مركز

البنات عمالين يبصوا لبعض و محدش فاهم حاجه ايمي مصدومه صدمه عمرها ساكته ومش بتنطق و مش فاهمه اي حاجه

اميمه….بدموع يعني ايه ؟ يعني ايه ليله بتجهض بصت للبنات انتوا كنتوا عارفين انها حامل اصلا؟

بصتلها سلمي و نعيمه ونادين و ايه وايمي و هزوا راسهم بلأ..

اميمه….لا ازاي؟؟ ازاي يعني ؟؟ دي لياه عمرها ما خبت عنكم حاجه عشررري ليله كانت حامل يا عشري

بصلها عشري و منطقش مش عارف يقولها ايه هو مصدوم اكتر منها

قمر…..بدموع هو ايه اللي حصل يا سلمي و قالتلك ايه؟ يمكن انتي فهمتي غلط