لقاء كارثي

نعيمه….ازاي محستش بيها طيب انا معاها من امبارح دي هي مسابتنيش لحظه ازاي انا محستش بيها كانت ساكته عشاني و عشانكم و خبت وجعها عننا

رشيد…..هو انتوا ممكن تبطلوا تلوموا نفسكم شويه

ايمي….ما دي الحقيقه يا رشيد نعيمه معاها حق ليله ركزت معانا كلنا و احنا ولا واحده فينا ركزت معاها طيب نعيمه ليها عذرها انما انا مليش عذر ازاي انا مخدش بالي منها

اميمه….بوجع و دموع حتي انا ملاحظتش جاتلي وقت الغسل و قالتلي لو عندها ظرف عادي تقف علي الغسل و لا حرام قولتلها لا عادي مكنتش اعرف انها بتجهض كان باين عليها التعب بس مجاش في بالي خالص حاجه زي دي قولت جايز من تاثير الصدمه و الحزن
انا حتي مكنتش اعرف انها حامل

سلمي….بدموع محدش فينا كان يعرف لما قالتلي انا بجهض فكرت اني سمعت غلط و اتصدمت لما عادت الكلمه و غالبا هي مكانتش لسه تعرف او جايز كانت مستنيه تفاجئنا

نعيمه…بدموع يارتيها ما جات معايا يارتني ما قولت نسافر ياريت اصحي من الكابوس ده بقييييي

قرب فضل وخدها في حضنها فضلت تعيط بانهيار هي والبنات

عشري….بهدوء و حزن فظيع نعيمه ايمي اهدوا شويه اهدوا كلكم يا بنات في حاجه لازم تفتكروها كويس ليله سكتت عشانكم عشان خافت عليكم يعني مينفعش يا ايمي تنهاري او يجرالك حاجه علي الاقل عشان خاطر ليله يمكن انا مش عارف هي ليه خبت عليا انا كمان وده هيكون عتابي الوحيد ليها بس انا عارف ليله كويس هي خافت عليكم و شافت الموضوع من ناحيه تانيه حاولت تحافظ علي حملك لانها شافتك تعبتي و اختك تعبت و نعيمه منهاره وسطنا و ايه تعبانه واخواتها تعبانين مش قادر الومها و ليله كلنا عارفينها بتيجي علي نفسها عشان خاطر اللي بتحبهم فا مينفعش لما تفوق تلاقيكم عمالين تلوموا في نفسكم و تتعبوا

ايمي….بانهيار وده اللي واجعني يا عشري كانت بتفكر فينا كل وشايلة همنا ومحدش فينا شال همها.

كانت شايفة نعيمة منهاره وشايفة أيه تعبانة وشايفة إخواتها منهارين وشايفة حملي فقررت تلغي نفسها

كملت بانهيار بس أنا أقرب واحدة ليها أنا صاحبة عمرها يا عشري والمفروض أول واحدة تحس بيها إزاي معرفتش؟

كانت بتجهض وأنا قاعدة جنبها عماله تاخدني في حضنها وتهديني وأنا حتي مسألتش نفسي هي وشها أصفر ليه جسمها متلج ليه طيب ساكتة ليه بتبعد كل شوية ليه.