لقاء كارثي

سلمي….بدموع انا شوفتها ماشيه علي بره فكرتها بتجيب حاجه من العربيه وراجعه و بعدين روحت وراها اشوفها لقتها قاعده في العربيه قدام وسانده راسها قربت منها كان باين عيها التعب فضلت انادي عليها مكانتش قادره ترفع راسها و تبصلي فتحت الباب لقتها بتقع عليا و جسمها متلج و قالتلي نادي علي عشري بهدوء انا بجهض بس بعدها اغم عليها .

في اللحظه دي كأن كلام سلمي فكرهم ان رحاب قالت بتجهض من امبارح معناها انها كانت عارفه..

قرب عشري من رحاب بغضب فظيع و بصلها..

عشري….انتي عرفتي ازاي ان ليله بتجهض من امبارح ؟؟

بصت رحاب بخوف بسيط من نظره عشري و نظرات البنات و نظرات الكل اللي متوجهه ليها..

رحاب….اااا هي اللي قالتلي

ايمي…بصتلها بغضب يعني ايه هي اللي قالتلك ؟

امينه….بحزن فظيع قالتلك في المدافن يعني ؟؟

رحاب….ااا لا يا طنط امينه امبارح بعد ما الدكاتره خرجوا و قالوا ان والد نعيمه و والدتها اتوفوا نعيمه كانت في حاله انهيار و طبعاً انتوا شوفتوا اللي حصل ايمي و كل البنات كانوا في حاله مش كويسه و تبعوا و كذا حد فيهم فقد وعيه بعدها انا لمحت ليله بعدت شويه و حسيت اني شوفت دم علي البنطلون يعني اااا فكرت ان هي عندها ظرف و مش عامله حسابها فا روحت وراها بسرعه عشان انبهها و اشوفها لو محتاجه اي حاجه اجيبهالها يعني لبس اي حاجه فضلت اخبط عليها في التويلت مكانتش بترد بصراحه قلقت فضلت انادي واخبط و قولتلها اني هفتح بس هي فتحت و اتصدمت اصلا من منظرها كانت غرقانه دم قولتلها فيكي ايه قالتلي انا بجهض

عشري….قاطعها يعني انتي عارفه من امبارح ؟؟

ايمي…..قربت منها اكتر بغضب عارفه من امبارح انها بتجهض و بتنزف و متكلمتيش؟؟

مسكها رشيد من كتفها بسرعه والشباب حاوطوا عشري خافوا يفقد اعصابه

رحاب….بتوتر فظيع و خوف حاولت اساعدها بكل الطرق رفضت حاولت اقنعها والله العظيم اني اعرف اي حد بسرعه مرضيتش

عشري….بغضب كيف يعني مرضيتش مرتي بتموت قدامك من امس و انتي تركاها غارقه في دمها

نجود….انتي بتقولي ايه يعني ايه مرضيتش وانتي ازاي تسمعي كلامها يا رحاب

رحاب….انا عارفه اني غلطت و مستعده لاي عتاب او لوم و كل اللي انتوا عايزينه بس مش مهم كل ده الوقت المهم بس نطمن عليها

ايمي بعصبيه وصوت عالي فقدت اعصابها و فجأه مسكت رحاب من هدومها قربتها ليها حاولوا بسرعه يبعدوا رحاب عنها بس مسابتهاش