لقاء كارثي

سلمي….ايمي اهدي والنبي مش ناقصين يجرالك انتي كمان حاجه

ايمي….هموت يا سلمي منها انا واثقه انها عملت كده عشاني انا كمان عارفه ان ليله خايفه اكتر مني علي الحمل و نفسها الوقت يعدي بسرعه بس ده مش معناه انها تيجي علي نفسها

امنيه….هي شافت الكل منهار و فعلا احنا كلنا تعبنا هي ممكن تكون حسبتها بطريقه تانيه يعني هي شايفه انها خلاص اجهضت فا لو قالت ممكن ده يأثر علينا كلنا عشان كده سكتت

نادين…بدموع بس ده مينفعش مينفعش يا امنيه ابدا طول الوقت بتيجي علي نفسها يعني لو خايفه علي ايمي وايه و نعيمه وانتي علي الاقل كانت عرفتني او عرفت سلمي

ماريز….اللي حصل حصل يا ولاد مش وقته نعاتبها المهم تبقي بخير

نادين…يارب يا زوزو يارب

شيرين…..اهدوا حبايبي شويه كفايه عياط انتوا تعبتوا من امبارح اوي ايمي اهدي يا ماما عشان الي في بطنك ليه عليكي حق انتي واختك يعني كفايه وقفتكم و قلة راحتكم وعدم نومكم علي الاقل بطلوا عياط و ليله ان شاء الله هتبقي بخير وانتي يا نعيمه انا عارفه يا حبيبتي انه غصب عنك كل حاجه جايه وراء بعضها بس معلش ريحي نفسك شويه اهدي عشان متقعيش من طولك ليله محتجالك و اخواتك ربنا معاكم كلكم بس عشان خاطرنا احنا اهدوا شويه

نعيمه….بدموع انا خايفه علي ليله واخواتي اوي و الله مش هقدر اتحمل يجرالهم حاجه كفايه ماما وبابا

قربت منها شيرين وضمتها وباست راسها

شيرين…هيبقوا زي الفل و الوقت لياه تخرج اول واحده ونطمن عليها

حنان… اتفائلي خير يا نعيمه و الله هتبقي كويسه و شويه ونطمن علي اخواتك يا ماما ربنا يريح قلبك انتي والبنات يارب و قلوبنا جميعا

…………….

عند رحاب كان معاها نجود و زوجات اخوات عشري و زوجات اخوات فضل و رضوي اختها و امينه و علي اخو عشري.

رحاب….والله العظيم يا طنط امينه انا مليش ذنب انا حاسه ان الكل شايفني غلطانه يمكن مكانش لازم اسمع كلامها بس غصب عني والله

رضوي…..لا يا رحاب غلطتي كان لازم حد يعرف

رحاب…بقولك مرضيتش كانت منهاره

امينه…كنتي قولتيلي يا رحاب او قولتي لاي حد فينا مش لازم اصحابها او اخواتها عشان الظرف اللي هما فيه بس كان لازم حد فينا يعرف

رحاب…كانت منهاره فضلت تتحايل عليا كتير و اول مره اشوفها كده قالتلي عشري لو عرف هيتصدم و كمان مش هيوافق اني اقف جنب نعيمه و هيخاف عليا قالتلي البنات كلهم منهارين و محدش فيهم هيقدر يقف مع نعيمه لوحده قالتلي ايمي ممكن تخاف و يجرالها حاحه وجنلها صعب و فرصتها في الحمل تاني ممكن تبقي صعبه قالتلي حجات كتير خلتني مش قادره انطق مكانش قدامي غير اني اسكت بس افضل جنبها