لقاء كارثي
لقاء كارثي
وليد…..روحي مع امك متسيبيهاش لوحدها و انا هطمن علي ليله وهرجع علي طول
بصتلوا تقي بقلة حيله و محبتش تجادل بس فضلت تعيط
رشيد…..و انت يا حماده انت وزوزو وامنيه و عمرو يلا روحوا
ماريز….احنا طريقنا واحد نمشي مع بعض
رشيد…معلش كفايه عليكم كده حماده شكلوا تعبان ولازم يرتاح امنيه كمان لازم ترتاح
حماده….انا بخير يا حبيبي متقلقش
ايمي…بدموع روح يا بابا انت مخدتش علاجك من امبارح و احنا ان شاء الله مش هنطول و هنطمنكم متقلقوش
سلمي…..تامر انت وبابا كمان امشوا و خدوا نغم معاكم حرام نايمه علي نفسها بره علي الكنبه
عشري…..يلا يا جماعه بالله عليكم لازم الكل يرتاح والله و بعدين من هنا لحد ما نطمن علي نسمه ونادر لازم نبقي قادرين نقف و نبدل مع بعض اكيد مش هنسيب نعيمه لوحدها
احمد…..طيب انتوا مش محتاجين اي حاجه
عشري….سلامتك والله
سلامه….متقلقش انا والشباب معاهم
سامح….طيب انت هتفضل بلبسك ده يا عشري اروح اجيبلك طيب حاجه وارجع
عشري…متحرمش منك يا سامح احنا كده كده شويه و هنمشي متقلقش و لو في حاجه هكلمك والله
دخل سليم و فضل كانوا بيوصلوا اهلهم قرب فضل من نعيمه و هي قاعده باس راسها
فضل…..ايه يا قلبي عامله ايه
بصتلوا نعيمه و عينها كانت بتتكلم
نعيمه…..بهدوء الحمد لله
فضل طبطب علي راسها وباس كفها
عسال….بهمس روحي يا امي انتي وريهام و مصطفي
حنان….احنا قريبين يا حبيبي خلينا معاكم شويه معلش نطمن بس علي ليله وبعدين احنا ورانا ايه يعني
سلامه…..روحي ارتاحي يا امي مقعدتيش من امبارح
حنان….انا زي الفل والله و بعدين معلش خلوني معاهم اديك شايف البنات حالتهم عامله ازاي علي الاقل يبقي معاهم حد ياخد باله منهم ياكلهم معلش خلوني معاهم
عسال….عشان ريهام ومصطفي يا امي كمان يرتاحوا
مصطفي….ياعم انت شاغل بالك بينا ليه احنا تمام
سلامه….خلاص خليهم براحتهم
سلموا عليهم و اميمه فضلت تبوس في ايد ليله وراسها وهي بتعيط هي وقمر و بعدين خرجوا علي بره
خرج تامر بهدوء بص علي نغم كانت نايمه في سابع نومه و باين عليها التعب جدا
تامر…..نغم نغم
فتحت عينها بهدوء وبصتلوا عينها كانت حمراء جدا محدش فيهم داق النوم من امبارح
تامر….يلا يا ماما عشان هنمشي
نغم…. ليله كويسه
تامر….اه الحمد لله
