لقاء كارثي
لقاء كارثي
كانوا كلهم قاعدين في الغرفه معاهم نايمين علي نفسهم و بيقاوحوا النوم الشبب بيتكلموا بصوت واطي و البنات في حضنهم و عشري وايمي جنب ليله
سلمي….فجأه عشري امسك ايدها بسرعه
فكت جزء من الكانولا المحلول فضل ينزل
عشري….لا لا دي فكته
سلمي….وسع كده وريني
ليله…..اااااه شيلو بقييي
ايمي…..هي ايدها وارمه ولا بيتهيألي
سلمي…..لا مش وارمه بس هي عشان بتحاول تشد فيها
نعيمه…..لو خلص المحلول يا سلمي و مش هنحط تاني شيلوها اكيد وجعاها
سلمي…مش عارفه يا نوني هو الدكتور قال هنحط محلول تاني ؟
عشري…مش عارف انا مش مركز معاه
حسان…..غالبا لا هو قال شويه ويجي بطمن عليها بس مقالش في محاليل تاني
ليله…..الله يخربيتكم
بصولها بسرعه وابتسموا غصب عنهم
سلامه….اهي بدأت تطول لسانها
ايه….لولي مين دول
ليله….شششش
ابتسمت ايه غصب عنها
ايه…..خلاص طيب هسكت
عشري…..ليله سمعاني
ليله…ايوووه
عشري….طيب انا مين؟
ليله…..انت عشري
فضل….اهي عرفتك ياعم
ليله….يا حيواان
ضحكوا غصب عنهم
عشري….مين ده؟
فضل…. اكيد مش انا
عشري….لولي انتي بتشتميني
ليله….اااا لا انت لا
فضل….نهار اسود طيب بتشتميني انا يا لولي
مصطفي….دي ميزه البنج بقي الواحد بيقول اللي في نفسه
ايمي…. بابتسامه حزينه بصت لنعيمه حد فيكم يفوقها بدل ما تجرسنا
نعيمه….لولي يلا قومي
عشري…..بتشتمي مين يا لولي مين مضايقك
ليله…..سكتت حوالي خمس ثواني و بعدين عيطت وهي مغمضه خلت البنات رجعوا عيطوا خبطنااا خبطنا يا عشري موتهم يا عشري معرفتش اعمل حاجه نعيمه فين يا عشررري
ابني راح يا عشري كلوا راح يا عشري حقك عليا يا قلبي معرفتش اعمل حاجه ليكي
فضلت نعيمه تعيط ضمها فضل
فضل….ششششش نوني احنا قولنا نهدا شويه بقي
حنان…بدموع بس يا ماما اهدي يا نعيمه كفايه يا بنات
عشري…ليله بس يا حبيبي اهدي
ساد الصمت حوالي نص ساعه كمان و ليله نايمه و بطلت تهزي و تعيط
وبعدين رجعت اتحركت و فتحت عينها بهدوء
ايمي….ليله
ليله….ايمي
ايمي…ايه يا قلبي في ايه
عشري…..عايزه ايه يا حبيبي؟
ليله…ااااه عايزه اشرب
عشري….هو ينفع تشرب
ايمي….معرفش سلمي ينفع تشرب
سلمي….طيب لحظه نسأل الممرضين او الدكتور
عشري…..رايحه فين عايزه ايه
ليله…..مش عايزه انام قومني
