لقاء كارثي

اكيد عشان مستقبلك و لا انتي عاجبك العيشه دي امك مشغلاكي و طالع عينك وانتي بتدرسي عاجبك منظرك كده اللي قدك غرقان في عز ابوه و بعدين ما انا قولتلها كتير نرجع رفضت

واللي امي ترفضه انا عمري ما هقبلوا الست دي عملت معايا اللي مفيش حد يعملوا وانا عمري ما هكون سبب في قهره امي ولو علي شغلي اطمن هي مش راضيه عنه انا اللي عايزه اشتغل أما بقي لو علي مستقبلي فا اخر حاجه ممكن اصدقها انك تخاف عليه انت عايز توجعها وانا عمري ما هديك الفرصه دي كفياها وجع منك و من اهلك

……..

امسكي يا ليله

ايه ده؟؟

فلوس ايه مش شيفاها

لا شيفاها بس مين قالك اني محتاجه فلوس؟

وانا مش لازم استني بنتي تحتاج عشان اديها ببعتلك مع اخوكي و بترفضي تاخدي

لاني مش محتاجه منك فلوس و اخر حاجه ممكن احتاجها منك اصلا هي الفلوس

انتي ليه بتعملي معايا كده يا بنتي ليه

ليه؟ مش شايف ان سؤالك ده غريب اوي منتظر مني ايه اصلا حب؟ حنيه ؟

مستني تتعاملي معايا زي اي بنت وابوها

كنت اتمني صدقني بس انا ملقتش الاب اللي يتعامل معايا علي انه اب

……..

الوووو

ده ايه المعجزه دي متصله بيا بجد ولا غلطتي؟

لا متصله بيك بجد

مال صوتك انتي بتعيطي يا ليله؟ في ايه انتي كويسه اخواتك كويسين امك فيها حاجه

انا عايزه اشوفك

طيب طيب حالا اجيلك فين

………

بتقولي عايزه ايه ؟

انا تعبت بجد تعبت طول الوقت بحاول ابعد عنك بس انا مش بكرهك علي فكره و اول مره احس اني محتجالك محتاجه حضنك

طيب فيكي ايه حد مضايقك حد عملك حاجه

الدنيا كلها مضيقاني وانا حاسه اني مخنوقه ومحتجالك اوي

طيب تعالي معايا يا ليله تعالي وانا هقول لامك اني خدتك و اقولك لو مش عايزه تقعدي في بيت العيله حالا الشقه اللي تختاريها هحيبهالك و هنعيش مع بعض بس تفضلي معايا و قولي لامك انك هتفضلي معايا

……..

خير هتفضل كل شويه تظهر قدامي عايز مني ايه

اتكلمي معايا عدل مش معني اني بعديلك طولة لسانك تتمادي فيها وانسي اني ابوكي

ابويا!! اللي احتاجتلوا و لاول مره اقولهالك و اذل نفسي ليك و اطلب منك بس حضنك و ساومتني عليه

انا مساومتكيش قولتي انك محتجاني قولتلك حالا هاخدك

وانا مكنتش عايزه غير حضنك وبس حضن ابويا لكن انت استغليت ضعفي اللي طول عمرك كنت مستني تشوفوا و مصدقت تساومني بين حضنك و بين عيشتي معاك انت عارف مشكلتك انت وامي ايه ان انت طول الوقت عايز تنتصر عليها و تسحبنا منها عشان ترجعلك وهي طول الوقت مش عيزاك تفرح فيها