لقاء كارثي

ايه….عشان اي حد عاقل يتحط في موقف زي ده بيتصرف حتي لو طفل
مفيش حاجه اسمها معرفتش اقنعها

ايمي….ايه خوفتي علي مشاعرها لماتقولي هتزعل منك وهتقول مصانتش السررررر

رحاب…..والله العظيم انتوا ظالمني لو كنتوا مكاني جايز مكنتوش سمعتوا كلامها بس انا قدرت اللي هي فيه انا اول مره اشوف ليله بالضعف ده كانت منهاره و فضلت تتحايل عليا وهي بتعيط اني مقولش لحد و رحمه بابا انا كنت مصممه بس هي مدتنيش فرصه ليله خافت عليكم كلكم شافت نعيمه منهاره بعد ما عرفت الخبر و شيفاها منهاره علي اخواتها شافتك انتي كمان يا ايمي و انتي مغم عليكي و شافت ايه و شافت اختك و شافت اختها تعبانه و نغم وقعت هي فجأه لقتكم كلكم بتنهاروا و بتقعوا واحد وراء التاني خافت عليك يا عشري تتصدم لما تعرف و خافت انك تصمم دكتور يشوفها او تمنعها تقف مع نعيمه و البنات ليله كانت بتفكر فيكم كلكم و شايفه ان الكل منهار و مش وقته خالص ان هي كمان تقع و تتلخموا فيهاصدقوني انا حاولت اقولها نفس الكلام يمكن مش اجهاض يمكن تعب عادي قالتلي لا انا خلاص فقدت البيبي يعني معرفتهم مش هترجعه قولتلها خطر عليكي قالتلي انا غالبا لسه في الاول يعني مش بيبي مكتمل عشان يبقي خطر والله العظيم حاولت بكل الطرق و لما روحت اجيبلها مسكن عرفت الصيدلي و قالي لازم دكتور يشوفهاو عرفتها كل ده صممت و قالتلي انها بخير و الالم اللي عندها بسيط قادره تتحملوا مكانش في ايدي اي حاجه احاول اقنعها بيها
ليله خافت عليكي يا ايمي لما تعرفي تتأثري و يجرالك انتي كمان حاجه و انا خوفت اتكلم وابقي سبب في اي حاجه تحصلكم و هي ترجع تلومني فا عشان كده سكت والله العظيم

بصوا ازعل ا واتعصبوا واضايقوا براحتكم بس خلوني اطمن بس عليها و بعدها همشي والله

عشري الكبير….بحزن اهدي يا بتي قدر الله وماشاء فعل الحمد لله علي كل اللي ربنا يجيبه المهم هي تطلع بالسلامه

رحاب….والله العظيم يا انكل انا حاولت معاها كتير مرضيتش و كانت هتزعل مني وهي لما تخرج و تفوق اكيد هتعرفكم اللي حصل

ايمي….بغضب ده مش مبرر انك تسكتي ايه يعني تزززعل منك الاهم صحتها مش تفضلي سيباها من امبارح بتنزف و محدش فينا مركز معاها

ماريز…هو انتي ممكن تسكتي بقي شويه

رشيد….كفايه يا ايمي