لقاء كارثي

نغم….فاقت

تامر….لا هي لسه نايمه بس ان شاء الله شوبه وتفوق و هيروحوا هما كمان احنا بس هنسبقهم

نغم….طيب مش هنستني لما تفوق

تامر…..هنكلمهم و نطمن عليهم بس لازم نمشي عشان الزحمه وعشان ترتاحي كمان شكلك تعبان

نغم….طيب

تامر….يلا قومي

قامت نغم بهدوء و اول ما وقفت مكانتش متزنه خالص و دايخه

حط ايده بسرعه وراء ضهرها

تامر…..فيكي حاجه؟

نغم….اااا لا لا دوخه بسيطه عشان قومت علي طول

قرب احمد مع حماده و ماريز

احمد….في ايه يا تامر مالها نغم

تامر…..داخت

ماريز….مكلتش حاجه من امبارح يا قلبي و هي تعبانه و اتبرعت بالدم و هي عندها انيميا

احمد….طيب نشوف دكتور يا نغم

نغم…لا لا انا بس عشان نمت و قومت فجاه انا بخير والله

احمد…..طيب يلا علي مهلك

ماريز…..احمد نغم متباتش لوحدها يا تروح معاكم يا تيجي عندي

احمد….لا لا مش هسيبها طبعا هتروح معايا تامر اطلب اي اكل عشان علي ما نوصل يكون جه لازم تاكل

تامر…..نجيب الوقت واحنا ماشيين

احمد….طيب يلا اسندي عليا يا نغم

نغم….انا كويسه والله يا بابا يلا امشي

تامر…..اخرج يا حبيبي انا معاها يلا

خرج احمد وحماده و ماريز و امنيه وعمرو

تامر….حودا قاعد ولا جاي

حودا….جاي جاي اسبق انت

خرج تامر و مد كفه لنغم بهدوء

بصتلوا بتوتر و بصت قدامها علي احمد كان بعد شويه مدت ايدها بهدوء و مسكت ايده

مسك كفها وبعدين حط ايدها علي دراعه و مشي معاها

تامر…..قادره تمشي

نغم….اه متقلقش انا مسلمتش علي البنات ولا اطمنت علي ليله خايفه يزعلوا

تامر…..لا متقلقيش هما عارفين انك تعبانه اصلا و نايمه و بعدين محدش فيهم مركز في اي حاجه

نغم……هي ليله كويسه

تامر…..الدكتور قال بخير بس لسه يعني هنطمن اكتر لما تفوق بس ان شاء الله تبقي كويسه

نغم….يارب

…………………

خرج وليد معاهم بره يوصلهم تقي كانت ماشيه دموعها نازله و مش عايزه تمشي

عدي….بهمس ممكن تبطلي عياط

تقي…..بدموع بصتلوا عدي قول لبابا خليني معاكم والنبي مش عايزه اسيب ليله و عايزه اطمن علي نسمه تاني

عدي…..حبيبي ممكن تبطلي عياط اولا ليله بخير هتفوق وهنمشي علي طولي يعني احنا مش قاعدين اصلا علي ما اوصلكم وارجع ممكن تبقي فاقت و بعدين نسمه مش هينفع حد بقعد معاها هي و نادر يعني وجودك مش هيعمل حاجه روحي ارتاحي و كلي ونامي عشان متتعبيش