لقاء كارثي
لقاء كارثي
فتحت عينها و غمضتها كذا مره و بعدين فتحتخا خالص و فضلت باصه في السقف
نعيمه…فاقت فاقت
نادين…لولي
ايمي……بدموع ليله سمعانا
وليد…ليله يا قلبي قومي يلا سمعانا
عشري…..لولي حبيبي قومي بقي وحياتي
كانت باصه في السقف و حاسه ان الدنيا بتتشقلب بيها سمعاهم بس مش قادره لسه ترد و سامعه اصوت غريبه زي الافلام بالظبط و بدأت تركز اكتر في الاصوات اللي جوه عقلها الباطن وكأن شريط حياتها مر قدام عينها صوت وصوره..
هو ليه البنات دي بتكرهك اوي كده انتي بجد قت*لتي صاحبتك؟
……
مش هتدخلي المدرسه غير ومعاكي ولي امرك و مش هقبل غير والدك عشان يشوف حل معاكي
……
انتي هتموتيني ناقصه عمر تعبتي قلبي معاكي كل شويه بمشكله عيزاني ليه اتذل لابوكي
ارحميني بقي كل مصيبه اتحط فيها تقوليلي تعبتيني و تقوليلي هتذل لابوكي لو انتي مش عيزاه يتدخل في حياتنا انا مش عايزاه اكتر منك
……….
امك بتحبك وانتي عارفه هي بس خايفه عليكي و في نفس الوقت انتي عارفه وجعها من بابا مش عايزه تحس انها محتجالوا ولا عايزه تعرفوا ان في مشاكل بنمر بيها
وانا ايه ذنبي يا اميمه لو هي مش عيزاه انا كمان مش عيزاه و بكرهه كمان بس هي لازم تعرف اني مليش ذنب في كل ده هما اللي بيضايقوني هما اللي بيحاولوا يخلوني اغلط بقالي ثلاث سنين تعبانه موت مياده بيطاردني كأنه شبح انا مليش ذنب يا اميمه في موتها مليش ذنب في اي مشكله بعملها البنات هي اللي بتبدأ تجر شكلي الكل بيتعامل معايا علي اني شخص منبوذ
……..
يكون في علمك دي اخر مره تحيطني في الموقف ده انا تعبت من مشاكلك لازم تتحكمي في اعصابك شويه كبري دماغك احنا مش بتوع مشاكل
حاضر معلش نسيت اننا المفروض نمشي جنب الحيط
انتي مش هترتاحي يعني الا لو بقيت مجرم عشانك عيزاني ادخل السجن ولا ارتكب مصيبه و اموت و اسيبكم لوحدكم
انا عيزاك بس تكون واقف في ضهررري عيزاك لما تشوف حد بيأذيني تقف في وشه انا معملتش حاجه يا وليد هما اللي مش سايبني في حالي مش هقدر اسكت عن حقي طول ما انا مغلطتش مش هع ف امشي جنب الحيط و لا هعرف ابلع الغلط عشان امك متبانش قدام ابوك ان بنتها بتاعت مشاكل
………
انا مستعد اعملك اللي انتي عيزاه مستعد اخليكي في حته تانيه بس تيجي تعيشي معايا و تسيبي نهاد
اسيب امي ؟؟ و ده بقي عشان انت خايف علي مستقبلي و لا عشان تقهرها
