لقاء كارثي

تامر… عشري انا عايز اقول حاجه مهمه انا لما وصلت هنا كنت اول واحد اوصل و شوفت ليله في حاله انا في حياتي مشوفتهاش عليها ليله كانت ماسكه في نعيمه و في نفس الوقت مصدومه صدمه باينه علي كل ملامحها مكانتش بتنطق خالص فكره انها شافت الحادثه و شافت اكيد العربيه و هي بتتقلب من الكوبري اكيد اثرت عليها

سلامه….فعلا لما وصلنا احنا كمان كان باين عليها اوي كانها ما صدقت حد تعرفوا وصل

تامر ….لما وصلتوا يا سلامه كانت بدات شويه تستوعب كمان في الاول مكانتش ليله اللي نعرفها عامله زي الطفله اللي شافت شبح فا باين عليها الرعب وفي نفس الوقت مش قادره تسيب نعيمه يعني اللي عايز اقولوا ليله صدمتها كانت تدريجيه في البدايه مكانتش بتنطق ولا بتعمل اي رد فعل مكانتش بتعيط تتكلم تصرخ كانت مصدومه بس فا غصب عنها يا عشري يعني هي لو خبت اكيد او خليني اقول اني واثق انها اصلا مقصدتش تخبي انا مش عارف اوصلهالك ازاي بس انا من اللي شوفته حسيت ان ليله فقدت عقلها شويه فاهمني

عشري…بحزن فظيع فاهمك و عارف يا تامر ان هي مكانتش في وعيها انا مش زعلان منها و في نفس الوقت زعلان لاني خايف عليها و عارف ان اجهاضها ده هياثر عليها اكتر

رشيد….مفيش حاجه هتأثر عليها ان شاء الله انت بس خليك جنبها و متحسسهاش بأي عتاب او زعل و هي هتبقي بخير

سليمان…قرب من عشري تخرج مرتك بالسلامه و نطمن عليها و هطلع لحد زايد هجيبلك غيار و ارجع

هز عشري راسه بهدوء

عسال…..لو رايح مخصوص خليك يا سليمان انا هطلع علي عندي انا اقرب هجيبلوا غيار واجي بسرعه

سليمان….واحد يا اخوي المهم نطمن علي ليله

عسال….خير ان شاء الله عشري تعالي اقعد شويه عشان خاطري

عشري…مش عايز يا ميدو انا عايز بس اطمن علي ليله

عسال…هنطمن والله بس تعالي ريح شويه

رشيد….تعالي اقعد شويه يلا

عشري…مش عايز والله

رشيد…..يلااااااا

زقه براحه من كتفه مشي عشري معاه وراح قعد و حط ايده الاتنين علي راسه و فضل يهز رجله جامد و هو باصص في الارض و عمال يفتكر كلامه مع ليله…

فلاش باك..

ليله….عارف ايه اللي قاهرني اوي يا عشري؟

عشري….ايه يا قلب يا عشري ؟

ليله…. اني من يوم ما جيت عالدنيا دي و ديما فرحتي مش كامله

كل ما افرح او احلم الاقي الفرحه بتتسحب مني ..