لقاء كارثي

نجود….صح هي وقفت في عز تعبها ولا كان فارق معاها عشان متطمنه عليكم شويه يعني لو فاقت ولقتكم بخير هي هتبقي بخير

ايمي…..وانا ازاي ابقي بخير و هي مش بخير

امينه….هي زي الفل يا بتي و هتبقي احسن و ربنا هيعوض عليها وهنفرح بيها

اميمه…..ايمي لو بتحبي ليله بجد بطلي عياط عشان هتتعبي يا قلبي وانتوا كمان تبطلوا عياط و بعدين المفروض تصحي تلاقيكم كويسين وجنبها و تقووها شويه انتول عارفين ليله كويس بتبقي كويسه طول ما كل اللي بتحبهم بخير يلا قومي انتي وهي اغسلوا وشكم و انتي يا نعيمه تبطلي عياط عينك مبقتش باينه كفايه يا حبيبتي كفايه ياقلبي

نجود…..عشري البنات دي لازم تاكل محدش فيهم داق حاجه من امبارح

عشري…..هجيبلهم الوقت و اصلا هما لازم يروحوا يرتاحوا شويه

نادين….بدموع انا مش هروح واسيب ليله

سلمي….ولا انا يا عشري اللي عايز يروح يروح انا هفضل هنا

نجود…لا ما اهو اسمعوا احنا كلنا هنا من امبارح و محدش فينا ارتاح و عشان نقدر نقف ونكمل مع ليله ومع نعيمه واخواتها لازم يا حبايبي نبدل مع بعض لازم نعيمه ترتاح و انتوا ترتاحوا ولما ترجعوا اللي موجود يروح كده يعني

نعيمه…..بدموع اروح وارتاح فين بس انا مش همشي من هنا غير واخواتي في ايدي

امينه…..يا بتي مش هتروحي وتسيبيهم بس تغيري تاخدي حمام تريحي ضهرك شويه و ترجعي لكن هنا هتقفي يوم اتنين تلاته بعدها مش هتقدري و لا هتعرفي تخدميهم لازم يا قلبي ترتاحي

حنان…..معاهم حق يا نعيمه عشان تقدري تقفي معاهم لازم ترتاحي عشان تكملي و بعدين الوقت اللي هترتاحي فيه هيكون غيرك هنا

نجود…..هما اصلا لسه في الرعايه و الرعايه مينفعش حد يقعد فيها و اخرك تشوفبهم من بره يعني عالاقل ارتاحي لحد ما ربنا يكرم و يخرجوا علي غرف عاديه و خليكي وقتها معاهم براحتك بس احنا في الوقت بلاش نسبق الاحداث لازم المل يريح شويه بعني لو ليله فاقت وبقت احسن الكل يروح يرتاح و من بدري هنيجي نطمن عليهم

فضلت نعيمه تعيط و سكتت لان فعلا مش هينفع تقعد

عشري…..الكل هيروح يا نجود و الوقت البنات بره سايبين عيالهم من بدري و بكره اصلا في عزاء يعني لازم الكل يرتاح شويه

ثواني بالظبط و خبط عشري الكبير علي الباب

عشري…..تعال يا باااه

عشري الكبير…..دخل بهدوء و بص عليها كيفها