لقاء كارثي

ايمي …انتي لسه فاكره تطمني عليها اصلاً اييييه خايفه عليها اوي لما انتي عندك قلب و بتحسي كده متكلمتيش ليه من امبارح كنتي فين من وقت ما شوفتيها غرقانه في دمها كملت بسخريه حاااولتي تقنعيهاااااا انتي عارفه يا رحاب ليله لو جرالها حاجه انا ممكن اعمل فيكي ايه و اللي خلقني وخلقك هاخد روحك في ايدي و لو النزيف ده عرضها لمشاكل مش هيكفيني فيكي عمرك

رشيد….ايمي ايمي اهدي

ايه…..هو ايه اللي تهدي ايمي معاها حق ازاي سابتها كده

احمد….ايه استهدوا بالله يا بنتي مش وقت كل ده المهم نطمن علي ليله

ايه….لا مهم يا بابا ليله بتجهض من امبارح و هي عارفه وسيباها كده لحد ما اتصفت

نادين….بحزن و دموع بصت لرحاب كان لازم تقولي مكانش ينفع تسكتي

رحاب…..يا جماعه ارجوكم افهموني انتوا اكيد عارفين ليله اكتر مني هي صممت انا مكنتش اعرف انها عنيده بالشكل ده والله العظيم انا حاولت كتير اقنعها لدرجه اني قولتلها نشوف طيب دكتور بهدوء يطمنا عليكي قالت لا مقدرتش عليها والله ما قدرت و كل اللي قدرت عليه اني فضلت عيني عليها اديها مسكن عشان الالم اشربها عصير اخليها تغير هدومها اكتر من كده مرضيتش

نعيمه….بدموع تديها مسكت يعني كانت تعبانه ازاي سمعتي كلامها وانتي شيفاها بتتالم قدامك يا رحاب ازاي كان لازم تعرفي اي حد فينا

امينه….بحزن البنات معاهم حق يا بتي كان لازم تعرفي اي حد جوزها اخواتها انا اي حد كبير احنا كنا هنتصرف

عشري….بغضب قدامك دقيقه ملمحكيش قدامي قبل ما ارتكب ج*ريمه

فضل…..عبدالله وصل رحاب

رحاب….لحظه يا فضل انا مش همشي من هنا الا لما اتطمن علي ليله

عشري…..قولتلك امشي حالا

ايمي….. تطمني علي ايه انتي مستوعبه اللي بتقوليه لسه فاكره تطمني عبها و هي بتموت قدامك من امبارح انتي عارفه ان بسبب سكوتك ده طان ممكن ليله تتلحق و كان ممكن متفقدش البيبي

رحاب…بدموع و توتر ايمي ارجوكي افهميني انتي وعشري انا مقدره زعلكم و خوفكم بس والله العظيم انا مليش ذنب و هتفهموا كل حاجه من ليله لما تخرج بالسلامه

رضوي…..رحاب يلا مش وقته الكلام ده خالص

سلمي…..من فضلك امشي يا رحاب الوقت محدش فينا متحمل اي حاجه انتي شايفه الوضع عامل ازاي

رحاب…..انا مش همشي الا لما تسمعوني انا ليه حاسه ان كلكم شايفين اني كنت قاصده ده يحصل