لقاء كارثي

حماده….هتخرج و هتبقي بخير و لازم كلكم زي ما هي عملت حسابكم تعملوا حسابها تقفوا جنبها و تطبطبوا عليها مش وقت لوم وعتاب اللي حصل حصل

عشر الكبير….معاك حق يا حاج حماده محدش يلومها او يعاتبها خلونا نطمن عليها الاول

حسان…..ان شاء الله تخرج و تبقي زي الفل و نطمن عبيها هي و نسمه و نادر

نعيمه….بوجع و دموع يارب يارب

فضلوا قاعدين البنات دموعهم نازله و كل شويه يقوموا ويرجعوا يريحوا

عشري مقعدش لحظه رايح جاي الشباب جنبه و اخواته و ابوه و امه

وليد كمان مكانش بينطق بس رايح جاي و خايف علي ليله..

وقفوا البنات جنب ايمي و نعيمه و ماريز

ايه….بهمس و هي بتعيط بجد محدش فيكم كان عارف ان ليله حامل

نادين….انا مكنتش اعرف والله ولا حتي لمحت

سلمي…..واضح ان هي بس اللي كانت عارفه

نعيمه….بدموع ليله لو كانت عارفه كانت قالت علي طول

سلمي….يمكن كانت لسه عارفه او مستنيه نتجمع و تقول مش عارفه جايز مكانتش متأكدة لسه بس هي قالتلي انا بجهض يعني كانت عارفه

نادين….انا حاسه انها مكانتش عارفه او كانت لسه شاكه لان حتي عشري مكانش يعرف

ماريز….انا قولتلها شكلك حامل صح يا ايمي فاكره لما كنتوا خارجين مع بعض انتي والبنات تجيبوا جهاز سلمي وايه ونادين و قولتلها باين علي عينك حسيت والله بس هي وقتها قالتلي انا عندي البريود باين بس كان باين علي عينها اوي

سلمي….ليله البريود عندها مكانتش مستقره من بعد الجواز و غالباً هي حملت وهي مش عارفه انا خايفه عليها اوي جسمها كان متلج و وشها ابيض مكانتش قادره ترفع راسها و صوتها طالع بالعافيه

نعيمه…بدموع فضلت ساكته ومستحمله طول الوقت ده عشاني و عشانكم لو حصلها اي حاجه مش هسامح نفسي ابدا

ايمي….متقوليش كددده هتبقي بخير و هتقوم كملت بدموع و غضب انا هاين عليا اروح اق*تل رحاب

ايه….وانا كمان بجد مش طيقاها

ماريز….بنات اهدوا جايز رحاب غلطت انها سمعت كلامها بس خلينا مافثين ان ليله محدش يقدر عليها و اللي في دماغها بتعملوا و محدش فينا عارف اقنعتها ازاي انها تسكت

ايمي…..ودي في اقناع اصلا كان هيحصل ايه لو كانت قالت لاي حد فينا او حتي قالت لجوزها تزعل ولا تتفلق حتي المهم تلحقها و بعدين يعني ايه تقنعها اصلا دي واحده بتنزف من وقت الحادثه لحد الوقت يعني كان ممكن تروح فيها و محدش فينا اصلا عارف هي فيها ايه محدش فينا عارف اصلا الاضرار اللي ممكن تحصلها انا همووووت والله هموت ازاي عملت كده في نفسها الغبيه لو طولتها هق*تلها