لقاء كارثي

بصلوا وليد و بصولوا كلهم مفهموش معني كلامه..

عشري الكبير…..بس انت يا ولدي معاك مره بمليون مره و علي قد ما انا نفسي افرح بعيالك علي قد ما بقولك يغور الضنا لو من مره غير مرتك

ابتسم وليد ابتسامه هاديه وارتاح كان فاكره يقصد لو حصل لليله حاجه في الخلفه يتجوز

عشري الكبير……كل واحد فينا يا ولدي ليه رزق في الدنيا و نعمه المفروض يحمد ربنا عليها طول مافيه نفس وانت ربنا رزقك وانعم عليك بليله الله اكبر اداك مره ملهاش زي و لو حياتك ياولدي مهيبقاش فيها عيل مش هزعل عشان هبقي عارف ان معاك اللي اغلي من العيال

بقولهالك قدام اخوها و ناسها واهلها وحبايبها و هما شهود علي كلمتي طول ما فيا نفس ياولدي لو في يوم زعلت بس ليله هتلاقيني في وشك

عارف ليه لان احنا بنعيش حياتنا كلها ندور علي صاحب جدع اهل يسندوا مره تبقي بيت وامان

وانت ربنا جايز يكون اداك الصاحب الجدع والاهل اللي يسندوا بس كمان اداك مره جدعه و سانده و امان و انا اهاااا شوف عمري بقي قد ايه صدقني مشوفتش كيف ليله

اوعاك يا محمد تعاتبها او تزعلها او تزود حملها ووجعها علي ضناها مرتك اختارت تتعب لحالها عشان تريح الكل محدش فينا لاحظ او حس انها تعبانه في الوقت اللي هي كانت واقفه كيف الجبل بتحاول تريح صاحبتها بتفكر ازاي تكرم اهل نعيمه و طلبت من اخوها يفتح المدفن و دفنتهم مع اهلها وقفت علي الغسل راحت تطمن علي كل اللي وقع بقت شايله همهم وراحه جايه شايفها بتطبط علي الكل و هي محتاجه اللي يطبطب عليها

عارف انك مضايق من رحاب بس هي قالتلك ليله طلبت منها متتكلمش عشان تقدر تقف جنب نعيمه و تخلي بالها من ايمي و تراعي باقي البنات و تاخد بالها من اخواتها ومنك محبتش توجعنا كلنا و شافت ان كفايه اللي حاصل

معاك مره ياولدي بمليون مره حافظ عليها وحطها في عينك واوعاك تزعلها مفهوم

هز عشري راسه بهدوء و بابتسامه بسيطه حزينه قرب منه ابوه ضمه وطبطب علي كتفه

عشري الكبير….ربنا يعوض عليك انت ومرتك بالخلف الصالح و يطمن قلبك وقلبنا عليها

عشري…يارب ياباااه

حماده…..بابتسامه حزينه كفيت و وفيت يا حاج عشري ليله تستاهل كل الكلام الحلو

عشري الكبير….حقها هي تستاهل اكتبر بكتير من الكلام ربنا شاهد علي حب ليله في قلبي انا عمري ما تخيلت اني اتعلق او احب حد بالشكل ده و ليله من غير اي كلام تجبرك تحبها و تدخل قلبك بافعالها تسلم ربايتك يا وليد و يسلم اصلك