لقاء كـ،ـ،ـ،ـارثي
و كلنا وقتها قولنالك اخرب الدنيا عشانها و حقها لانها كانت الطرف اللي اتوجع في العلاقه بس انا عملت ايه يا عشري انا معملتش محاجه ماهو انا عشان احاول واحايل واهد الدنيا لازم اكون غلطت و انا معملتش كده و خلينا نقول مش لازم يا سيدي اكون غلطت هي مضايقه و نفسيتها تعبانه ماشي واجبي ناحيتها اني اطلعها من اللي هي فيه و اتشقلب واعمل اراجوز كمان بس هي فين يا عشري هااا فين نعيمه يا عشري مكتئبتش و قعدت في البيت حزينه و انا قصرت و لا حتي يا سيدي سابت البلد ومشيت من غير ما تقول بس دبلتي لسه في ايدها نعيمه معملتش كل ده هي اختفت فجأه سافرت و سابت و نهت علاقه انا كنت طرف فيها و يومها انا كنت من الصبح هتجنن واعرف قافله موبايلها ليه و قبلها بيومين كنت معاها واتكلمنا اينعم قعدتنا مشيت بيها وانا محبط و متلغبط و مش فاهم اي حاجه قالتلي انا عايزه ابعد عن الكل انا بحبك بس حاسه اننا محتاجين بريك كلامها كان في تناقد يشكك اي راجل في حبها ليه و مع كل ده قولت معلش نفسيتها مش حلوه اليوم ده كنت مقرب اروحلها البيت بعد ما اخلص مع عسال و بالصدفه نادين جات و قالت ان نعيمه بعتالي حاجه اوديها البيت مكنتش متخيل اصلا حاجه زي دي تيجي في بالي استغربت ايه اللي بعتاه للبيت ومع نادين بس قولت تمام اشوف جايبه ايه وقدام عسال و نادين كنت واقف زيي زيهم في ايدي دهبها و خاتمها و رساله بتنهي بيها علاقه كانت هاديه وعاديه من غير اي سبب حسيت وقتها اني واخد علي دماغي بس وقفت و استنيت نادين تحاول توصلها و هي كنان بالصدفه شافت رسالتها و هي بتودعها هي والبنات و بتعرفها ان هي خلاص بقت بره البلد حط نفسك مكاني يا عشري و لو دقيقه او ثانيه
كل اللي حصل ده حصل معاك مشاكل من غير سبب مع البنات طريقه مش تمام سابت الشغل سابت البيت سافرت و بعتت حاجتها و رساله بتقولك باي باي و انت من جواك راجعت شريط ذكرياتك كاه ملاقتش انك غلطت في حاجه و اللي بينكم شد و مشاكل عاديه و اخر فتره في تغييرها كانت علاقتكم مفيهاش الهواء و كويسين يا اخي ده حتي بوم فرحكم لما شوفت فستانها كانت اول مره معلقش ولا اتعصب ولا ارخم عليها كنت شايف فرحتها في عينها عشان ليله قولت معلش عديها المرادي و مش لازم تطلع عرق الرجوله و ينقح عليك و تنكد عليها محصلش بينا اي حاجه يا عشري تفتكر بعد كل ده لما اتصدم صدمه زي دي عادي كده مش من حقي كرامتي تتوجع مش من حقي اسمع سبب يخليني افهم اللي حصل ده حصل ليه اصل المشكله وسعت و كبرت و الكل عرفها لان دي مش خناقه بيني وبينها و لا هي جات ادتني دهبها و مشيت كنت شيلتوا والله و معرفتش حد اللي حصل بس الكل عرف بمجرد ما سافرت بمجرد ما رسالتها وصلت للكل يبقي اقل رد اعتبار ليا يا عشري اني الاقي سبب مقنع يخليني احس اني مش قليل قدام كل اللي عرفوا دول الاقي سبب يخليني لما تيجي سيرتها اقول كان فيها كذا وكذا مش اقول اصلها كانت محتاجه بريك و لا نفسيتها تعبانه و لا انا غلطان يا عشري و مطلوب مني عشان حبيت اتنازل و كرامتي تتهان و ارجع و رجوعي وقتها هيبقي معناه انه مباح تكرار الغلط لا يا عشري سموها زي ما تسموها بياع مش فارق معايا كرامتي فوق حبي براحتكم بس انا من حقي افهم و خليني اقولك كمان انا شايفك انت والشباب ازاي و من غير زعل لان ده اللي وصلي منكم
