لقاء كـ،ـ،ـ،ـارثي
عشري…لا يا فضل مش صح احنا لو شايفينك غلطان بجد مش هنقف جنبك احنا جايين عليك و اعتبرها وقفه معاك لاننا عارفين انك تعبان و راحتك مع نعيمه و بنحاول نصلح الدنيا يعني تفتكر لما نيجي في عز غضبك ده ونقولك انت صح نعبمه اللي غلطت نعيمه اللي بدأت نعيمه اللي جات عليك انت هتبقي عادي مش هنزود النار والفجوه الاي حصلت بينكم لازم نهدي الدنيا لازم نيجي عليك انت عشان انت الطرف الاعقل عشان انت اللي في وشنا نعيمه مش هنا و لو موجوده كنت انا اول واحد هقولها نفس الكلام و كنت هغلطها زي ما غلطتها قبل كده ومش انا بس الكل غلطها وهي نفسها معترفه انها غلطانه
فضل…..بحزن مش صح يا عشري الكل جاي عليا و بزياده اوي و خليني اقولك و بكل صراحه انا شايف الكل ازاي وانت كمان
انا شايف الكل يا اخويا لما مشكلتك حصلت وقفوا معاك شايف الكل لما قولتلهم محدش فيكم يجيب سيرة مريم ولا علاقتي بيها الكل خبي و اشترك معاك في الكدبه عيله كامله خبت عشانك وانا كنت اولهم يا عشري كدبت معاك وخبيت و لما الموضوع اتعرف و حصل اللي حصل البنات يوم ما قلبوا قلبوا علينا احنا زعلهم منك كان في لحظتها بس زعلهم الاكبر كان مننا و يومها نعيمه مسكتتش و كاني انا اللي عملت معاها كده و عديت وقولت حقها ايمي وقتها هي اللي حجمت الموضوع مع ان لما انا اتحطيت في نفس الموقف و من غير اي سبب جات عليا و مش بس كده احنا بعدها زي ما اشتركنا في كدبتك اشتكرنا ازاي نرجعكم لبعض كنت شايف في عين الكل الزعل عشانك و حتي لو كان في زعل منك بس كان في تعاطف بسيط و وقفوا معاك وقفه حلوه و قدرنا نرجعكم لبعض
حتي اخوات ليله وقفوا معاك و اشتركوا معانا في جوازتكم مفيش مخلوق يوحد ربنا مكانش معاك و انت عارف ان كان في غلط عليك
بس قولي يا عشري انا عملت ايه غلطت في ايه ليه الكل جاي عليا و موصلني احساس ان انا السبب في اللي حصل اللي الكل شايف اني مقصر في حق نعيمه المفروض احاول المفروض اكلمها ابعتلها مسدچات اسافرها لو لزم الامر و ادور عليها ليه الكل شايف ان عدم محاولتي هو ان نعيمه مش فارقه معايا و ليه مضايقين ان كرامتي وجعاني و ناقحه عليا علي الاقل يا عشري انت لما حاولت و هديت الدنيا عشان ليله كنت عارف من جواك انك غلطان و بتصلح غلطك بلعت لليله الظلط و رضيت بالبهدله و المرمطه و كان علي قلبك زي العسل عشان انت عارف انه حقها
