لقاء كـ،ـ،ـ،ـارثي
فضل….بابتسامه انتي عارفه لما بتكلم معاكي عن الشغل بحس اني عايز اقوم اكسر الدنيا شغل و ببقي متحمس جدا عندك طاقه غريبه بخصوص الشغل
رحاب….يمكن عشان شغفنا واحد و يمكن كمان عشان مقدره ان يكون عند الشخص حلم بيسعي لتحقيقه انا مريت بظروف كتير مش حلوه يا فضل و عشان جربت فرحة النجاح اللي بتنسي اي وجع عايزه الحقك عيزاك متمرش بنفس الوجع او نفس الظروف عايزه افوقك و اقولك ان حلمك و شغلك و هوايتك هما سلاحك الوحيد اللي هتهتزم بيه اي طاقه سلبيه اي مود وحش اي وجع او حزن حلمك هو سعادتك الحقيقه اللي مستنياك عشان كده اوعي توقف ابداً محدش يا فضل هيرفح نفس فرحك لما حلمك يتحقق يمكن في ناس هتفرحلك بس فرحتك مش هيحس بيها الا اللي كان عنده حلم و حققه و برضوا لو مكملتش جايز تلاقي حد زعلان عشانك بس محدش هيزعل قدك و انت حاسس ان حلمك ضاع و بايدك
فضل….بصي انتي صح و انا معاكي في كل كلمه بس عارفه يا رحاب في حجات لما بتوجعك غصب عنك مبتقدريش تركزي غير فيها اه عندك حلم و شغف و حاجه عايزه تحققيها و استنيتي تجيلك الفرصه عشان تحققيها بس للاسف جاتلك في وقت غلط
رحاب…..بالعكس مفيش حاجه اسمها وقت صح و وقفت غلط يا فضل كل حاجه بتحصل في حياتنا بمعاد و لحكمه ربنا مأخرش عنك تحقيق حلمك ده الا لحكمه و يمكن انا شايفه عكس ما انت شايف تماما مش جايز يا فضل ربنا حقق حلمك ده الوقت لان ده الوقت المناسب اللي هيخليك تطلع مجهود و ابداع انت في اي وقت عادي جايز مكنتش عملتوا جايز ربنا حققه الوقت لانه عارف ان الوقت ده بالنسبالك مش جلو و حابب يلهيك في حاجه انت بتحبها فكر فيها هتلاقي ان الوقت مناسب و مناسب جدا خرج طاقتك في الشغل يا فضل في حلمك حول وجعك لانجاز كبير و حزنك لوقت حلو بتقضيه في هوايتك و شغلك مفيش حاجه تستاهل يا فضل تزعل عليها ولا في حاجه تستاهل انك تضيع فرصه انت حلمت بيها سنين
فضل….بس في حجات بتستاهل الزعل يا رحاب يعني ذكريات مواقف وقت ايام غصب عنك بتحسي ان كل ده كان حلم و صحيتي منه و مضطره تتقبلي واقع مش بتاعك حلم جميل اتسرق منك فجأة
سمع صوت كلاكس
رحاب….بابتسامه نص كم انت مش بردان ولا ايه
بص علي بره بسرعه و ابتسم
فضل….ايه ده انتي هنا
رحاب…..انا لا محصلش انت بتحلم
ابتسم فضل و قفل الموبايل و قرب عليها ابتسمت و فضلت بصالوا احد ما قرب بصلها من الشباك
