لقاء كـ،ـ،ـ،ـارثي
ليله….لا متسيبهوش ادام انت عارف انه محروج منك بسبب الي قالوا و بعدين نجود بتقول انه علي طول في الورشه روحلوا هناك و كانك بتسأل عليه عادي متفتحش اي حاجه
عشري….فضل مضايق و فاكر اننا جايين عليه كلنا و دي اكتر حاجه معصباه بس ده مش صح والله انا لو مش بحبه مش هاجي عليه لاني عارف انه بيحب نعيمه و مضايق من اللي حاصل
ليله….معلش برضوا خليك جنبه يمكن انا مختلفه معاه في نقطه بسيطه بس رغم كده هو صعبان عليا و مضايقه عشانه بجد عشان خاطري خليك معاه الفتره دي و اقولك متتكلمش معاه في اي حاجه تخصه هو و نعيمه
عشري….ما انا قولت كده من البدايه مصدقتونيش انا عارف فضل اكتر منكم يمكن فضل ميبانش عليه انه عصبي و اهدي مني و ممكن يعدي و يتحمل حجات كتير و ممكن في حجات تضايقوا و ميتكلمش فيها بس يوم ما ينفجر قلبتوا بتبقي وحشه يعني من كلامه واضح ان نعيمه قبل ما تسافر لما اتكلموا مع بعض قالتلوا كلتم ضايقه بس هو جه علي نفسه و سطت و اتحمل
بس لما سافرت و حصل الي حصل انفجر انا عاذره يا ليله بصراحه بس انا مش عايز ده يحصل بينهم عايزه يرجعوا و عايز نرجع تاني مبسوطين
ليله….كل ده هيحصل يا قلبي والله العظيم عادي بتحصل و اي علاقه فيها مشاكل و خلافات و الاتنين بيحبوا بعض يعني مهما اختلفوا اكيد في نقطه هتجمعهم و يتفقوا فيها المهم الوقت انت خليك جنبه و حتي لو هو بيهرب منك انت رخم عليه و روحلوا و اتعامل عادي
عشري…..حاضر يا قلبي هعمل كده
ليله….طيب بقولك ايه هو فين الوقت
عشري….والله ما عارف عنه حاجه بقولك بيهرب مني طول ماهو عارف اني في الكافيه بيختفي وعلي فكره الورشه بتبقي مفتوحه بس لو عارف اني تحت و قريب منه بينزل الباب شويه و يقول لسليم و عدي انه رايح مشوار غالباًبيرجع لما بمشي او بيكمل سهرته في الشغل بليل لما يتاكد اني طلعت
ليله…طيب هو اكيد الوقت عارف انك مش تحت كلم عدي او سليم من غير ما هو يحس و يعرفوك هو فين و روحلوا مره واحده الوقت يلا
عشري…. بابتسامه الوقت ايه انا مش قادر و بعدين انا قاعد معاكي مليش مزاج انزل
ليله….هو انا هطير روح و لما تطلع نكمل قعدتنا مع بعض
عشري….لا مش قادر الوقت والله و بعدين انا كل يوم بطلع متأخر مباحقش اقعد معاكي انهارده قولتلهم اني مش نازل
