لقاء كـ،ـ،ـ،ـارثي

فضل….بتنهيده وجع ماشي يا عشري ماشي بس ااا في حاجه كده جاصله ومش عارف اتصرف فيها

عشري….حاجه ايه ؟

فضل….يعني و من غير ما تفهمني غلط رحاب

عشري…ياااادي ام رحاب مالها تاني

فضل….يعني في صور نزلتها تاني و انا شوفت الصور و اتصلت بيها بس مردتش وبعتاها مسدچ عشان تشيلهم قبل ما حد يشوفها من البنات و يفكروا اني مقضيها بس هي مش بترد خالص و شكل كده امي شافتها عشان كانت بتقولي انت فين و جيت متاخر ليه

عشري….متاخرررر ليه انت كنت معاها

بصلوا فضل و سكت

عشري…..اااااه قولتلي بقي و بتقولي هيفكروا اني مقضيها امال انت بتهبب ايه هي نزلت الصور القديمه دي تاني

فضل….لا مش زي ما انت فاهم اسمعني ااا يعني هي صور جديده

عشري…جديده وريني

فتح فضل الموبايل و فرجوا علي الصور

عشري…..سحب ساحبه عالميه انت بتستعبط يلاااااا

فضل….هفهمك طيب براحه كل الحكايه ان اول خروجه روحنا اللايڤنت و عرفتني علي ناس و الدنيا تمام شكرتها و حسيت يعني انها ساعدتني كتير هزرنا وضحكنا قولتلها ده جنيل و دين عليا و بس هي طلبت مني بهزار اني اردها بخروجه يوم عيد ميلادها رابع يوم اللي هو انهارده امبارح بقي كانت منزله الساعه 12 صور لعيد ميلادها عادي قولتلها كل سنه وانتي طيبه كلمتني و انا كنت علي اخري اتكلمنا شويه وفجاه لقتها قدامي كانت بتعمل سيشن لعيد ميلادها وبتاع و لما شافتني مضايق جات و قالتلي تعالي نقعد في مكان محبتش احرجها ورحت معاها عادي قعدتا في الحسين و خدنا الصور دي بعدها رجعتها و الوقت كان متاخر وصلتها بعربيتها و الصوره بتاعت عيد ميلادها دي خدناها في العربيه بس مجاش في بالي انها هتنزلهم خالص

عشري…..طبب ما هي نزلت قبل كده انت بتستعبط يا فضل

فضل….والله ما جه في بالي يا عشري خالص انا لما شوفت الصور دي من شويه اتصلت علي طول و بعت مسدچ بس هي مبتردش انا كل اللي بفكر فيه الوقت ان ليله وايمي ممكن يفكروا اني ولا اهتميت بكلامهم علي حوار الصور و قاصد اضايقهم او احسسهم اني شايف حياتي و مش فارق معايا عشان اضايق نعيمه و مش عارف اتصرف ازاي انا فكرت اروحلها البيت لان لو كلمت رضوي اسال عن رحاب هتسأل ليه و انا مش عايز كده

عشري…تروح البيت لا انت متفكرش خالص

فضل…طب اعمل ايه ماهي مش بترد