لقاء كـ،ـ،ـ،ـارثي
نادين….بقلق باي يا حبيبتي
…………………
وصل فضل مع رحاب علي الحسين ركن و كان ماشي معاها مستغرب و كانه مسلم ليها شاف الناس بتسلم عليها و حس انها معروفه في المكان
رحاب….بابتسامه تعالي اقعد مالك واقف مستغرب كده ايه.
فضل…بابتسامه واضح انك معروفه هنا
رحاب….مش للدرجه يعني بس انا باجي المكان هنا علي طول انت اول مره تيجي ولا ايه
فضل….لا جيت الحسين عموما كتير بس مش ديماً باجي يعني
رحاب….فايتك كتير اوي علي فكره
فضل…واضح انك بتحبي المكان هنا
رحاب….فوق ما تتخيل راحه نفسيه فظيعه
فضل…..في قصه بقي وراء حبك للمكان
رحاب….طبعاً اكيد الاماكن بالنسبه للناس جزء من شخصيتها بس قبل ما احكيلك قصه المكان قولي بقي تشرب ايه ولا جعان ولا عايز تعمل ايه
فضل….بضحك انتي علي طول متحمسه كده
رحاب….بابتسامه يعني مش مع اي حد قولي انت كلت ؟
فضل….هو انا بصراحه مش جعان مليش نفس ممكن اشرب قهوه
رحاب…..طيب ما انت ممكن تاكل و هفتح نفسك علي فكره بيعملوا هنا اكل حلو اوي
فضل…..انتي شايفه كده
رحاب….بابتسامه انا شايفه انك تسيبلي نفسك شويه بما انه عيد ميلادي فا حليني انا اقود التجربه للاخر
فضل….بابتسامه ماشي اتفضلي يا ستي قودي
ابتسمت رحاب بسعاده و طلبت هي الاكل و بعدين بصتلوا
رحاب….كنت بتقول ايه بقي
فضل…. بابتسامه نستيني اااه كنا بنتكلم علي المكان
رحاب….اه بص انا بحب اوي قهوه الفيشاوي كل ما احس اني مش تمام باجي هنا و برضوا لو مزاجي حلو باجي تقدر تقول ان المكان ده مع الاجواء اللي هنا يا اما بتحسن نفسيتك لو مضايق او بتزود طاقتك الايجابيه لو مبسوط انا باجي هنا من سنين اول مره جينا فيها انا انا ورضوي كان مع بابا هو بيحب الحسين اوي و بصراحه انا حبيت المكان خصوصا من بعد وفاته
ممكن تحس اني شخصيه عشريه بحب الناس باخد علي الناس بسرعه دي حقيقه بس كمان انا اوقات كتير بحب اكون لوحدي فا بفضل اني اكون لوحدي و في نفس الوقت وسط ناس كتير لا اعرفهم ولا يعرفوني باجي افصل هنا وسط الناس والاجواء الجميله و الروح بتاعت المكان
فضل….بتنعزلي وسط الناس يعني
رحاب….بالظبط انا بخاف اكون لوحدي خالص و في نفس الوقت لما بحس اني عايزه اسافر مبحبش اسافر وانا نفسيا مش احسن حاجه بخاف بصراحه بحب اسافر وانا مودي كويس لكن لما احب انعزل و افصل بعمل ده مع نفسي بس وسط ناس فاهمني انا تركيبه غريبه شويه بس مفهومه يعني
