لقاء كـ،ـ،ـ،ـارثي
نادين….بضحك خلينا نمشي و لما نصحي هجيلها
نعيمه…..اه يلا روحوا ارتاحوا بقي
نادين….اقفلي علي نفسك و لو احتاجتي حاجه كلميني وانا اما اصحي هكلمك
نعيمه….كاشي يا قلبي
نادين….لما اصحي هكلم البنات اوك
نعيمه…ماشي يا قلبي
عسال….يلا يا نوني خدي بالك من نفسك و حمد الله علي سلامتك
نعيمه…..بابتيامه حبيبي يا ميدو الله يسلمك شكراً يا ميدو ربنا يخليك ليا
عسال….بابتسامه حبيبتي يا نوني انتي تؤمري يلا تصبحي علي خير الصبح
نعيمه….بضحك تصبحوا علي خير الصبح.
حضنتها نادين و سلمت عليها و نزلت هي و ميدو
قفلت نعيمه وراهم و ابتسمت براحه
قلعت الجاكت و الكوتش و سحبت الشنط كلها علي اوضتها
دخلت طلعت ترنج و دخلت خدت شاور كانت محتاجاه جدا بعد وقت بسيط خرجت راحت فتحت التلاجه عملت ساندوتش سريع و خدت ازازه مايه و دخلت علي الاوضه تاني كلت قطمه بسيطه من الساندوتش و فتحت الشنط و بقت تطلع كل هديه خاص بحد تركنها علي جنب و مسكت بايدها هديه فضل و ابتسمت و راحت شالتها في دولابها و رجعت كمات بسرعه كانت عايزه تفضي الشنط من حاجتها و تجهز الهدايا علي جنب عشان لما يجوا البنات تديهالهم….
خلصت و شالت الشنط و بعدين طلعت علي السرير و نزلت تحت اللحاف مسكت الساندوتش كلت منه حاجه بسيطه تاني و قلبت في الموبايل و هي مبتسمه و فجأه اختفت ابتسماتها لما شافت صور فضل مع رحاب سابت الساندوتش من ايدها وهي باصه للصور بصدمه و عماله تقلب فيها..
و هنا حست ان الموضوع قلب جد و مش مجرد شك من ليله وايمي و لا مجرد كام صوره اتصوروها قبل كده في ايڤنت العربيات اللي علي قد ما ضايقها بس موقفتش عنده كتير ادتلوا الف عذر و حسست نفسها ان الصور عاديه لكن الصور دي كانت صدمه بجد مبسوطين بيضحكوا خروجه باين انها مش عاديه و احتفال بعيد ميلاد جوه العربيه صدمتها كانت كبيره و من غير ما تحس نزلت دموعها بوجع فظيع بصت علي الوقت اللي الصور اتحطت فيه لاقته الساعه سته ونص الصبح صدمتها كانت اكبر
حطت ايدها علي وشها وفضلت تعيط كتير و بعدين قفلت الموبايل و رمتوا جنبها علي السرير ضمت رجلها و سندت عليها و فضلت دموعها نازله و باصه علي الارض شويه و خدت نفس طويل ومسحت دموعها و بعدين رجعت نامت فردت كفها قدامها ومسكت صباعها اللي كان فيه الدبله وبعدين ضمتوا علي صدرها و غمضت عينها…
