لقاء كـ،ـ،ـ،ـارثي
رحاب….طيب قولي انت مالك يعني لو حابب تتكلم هو انا ينفع اتصل بيك
فضل….اه تمام براحتك
ثواني بالظبط و كانت متصله بيه
فضل…الوو
رحاب…بضحك اهلا ازيك يا فضل
فضل….بابتسامه يااااه بقالي كتير معرفش عنك حاجه
رحاب….بضحك حال الدنيا بقي ليك وحشه
فضل… بابتسامه ايه الاخبار
رحاب….زي الفل ببدأ اول سنه جديده مع نفسي بس الاخبار عندك انت مالك في ايه ليه اللون الغامق اللي انت فيه ده
فضل…..عادي والله
رحاب…..عادي ايه ده لا في طاقه ولا نشاط و لا شغف و في استسلام و حزن ليه كل ده
فضل….صحيح انتي ليه مشيتي
رحاب…بضحك يا راااجل انت لسه واخد بالك اني مشيت انا مشيت يوم الوقفه قولت هتطلع جدع و هتسأل عني بس يلا خليها عليا
فضل….حقك عليا بس والله الكام يوم دول انا مش احسن حاجه و مش مركز حتي في شغلي مشيتي ليه بقي و بعدين انتي في الشارع و لا ايه صوت الكلاكسات ده
رحاب…..اه في الشرع بس اولا متقولش حقك عليا دي انا بهزر و مش زعلانه و انت تعمل اللي انت عايزه انا مقدره جدا الفتره دي ثانياً يا سيدي انا كمان مشيت لان برضوا المود مكانش احسن حاجه و حبيت اكون لوحدي ثالثا وده الاهم خلينا فيك انت مالك و ليه مش كويس و بعدين شغلك يا فضل الحاجه الوحيده اللي قادره تخرجك من اي مود مش حلو انا مكنتش تمام و قررت امشي و ابقي لوحدي بس حطيت طاقتي كلها في الشغل و اهو زي ما انت شايف مبسوطه و تمام ارمي اي حاجه وراء ضهرك يا فضل و اشتغل في اكتر حاجه بتحبها و بعدين مش ده حلمك ركز فيه اديه كل اهتمامك يوم ما تنجح صدقني هتحس بطعم السعاده الحقيقيه لما تشوف حلمك بقي حقيقه متخليش حاجه توقفك مهما كانت انت بس اللي تقدر تسعد نفسك بنفسك
فضل….مش كل حاجه يا رحاب نقدر نرميها وراء ضهرنا و لا كل حاجه الشغل بيقدر يعوضها او ينسيهالنا في حجات غصب عنك بتسيطر علي عقلك و تفكيرك حجات بتخلي مودك زي الزفت و تفقدك شغفك في اي حاجه حتي لو كانت اكتر حاجه بتحبيها..
رحاب…..يمكن معاك حق بس لما بتنجح في حاجه بتحبها و هي هوايتك اصلا بتتفاجئ من كم السعاده اللي بتتخلق جواك النجاح مش سهل يا فضل هو صعب عشان احساس الفرحه بتاعته بيكون ملهوش وصف التعب و السهر و الشغل و الوقعات و الاخطاء و المزاج المتقلب و المواقف الي ممكن تكسرك في عز ما انت مكمل حلمك هي الحاجه الي بتخلي النجاح ليه طعم لان اي حاجه بنمر بيها و احنا بنسعي في حلمنا بتعمل فينا حاجه من اتنين يا اما نستسلم و المود العام و حاله الحزن تسيطر علينا و تخلينا نفقد الشغف و بالتالي منقدرش نكمل او ننجح او نكمل و منستسلمش و نشتغل في اسوا حالتنا بس صدقني كل ده بيتنسي لما توصل لحلمك اول عربيه بتحلم بيها يا فضل هتبقي عامله بالنسبالك زي ابنك او بنتك هتنسي بيهم اي حاجه و هتفتكر كل لحظه وحشه مريت بيها لما توصل صدقني يا فضل افكارك لانجاح في عقلك و فرحتك بالتخطيط ليهم مش زي ما تشوف تخطيطك و افكارك علي الواقع قدامك جايز تكون متحمس الوقت من مجرد فكره بس لما تبقي قدامك و حققتها و انجزتها فرحتك هتكون مختلفه اوعي يا فضل توقف عشانك مش عشان اب حد ولا عشان تثبت نجاحك لحد ولا حتي عشان تثبت لاي حد انك قوي رغم اللي بتمر بيه انجح عشان ده حلمك كمل عشان دي الخاجه اللي بتحبها كمل عشان فضل
