لقاء كـ،ـ،ـ،ـارثي
منسيتش اي حد خالص لدرجة انها جابت هديه لنغم كمان و يمكن استغربت نفسها اوي مكانتش عارفه هي عملت كده عشان تراضيها بعد الكلام اللي سمعتهولها و لا عشان احساسها بالذنب ولا عشان كلام البنات عنها و انها طيبه و جميله
بس حست انها عايزه تجيبلها هديه وخلاص ..
في خلال الثلاث ايام بتوع العيد دول.
عدي و تقي كانت علاقتهم تجنن اتصل بوليد و استأذنه انه ياخد تقي و يخرجها هي واخواتها و دي كانت اول خروجه ياخد فيها اخواتها والحقيقه اليوم كان فارق معاه و مع تقي جدا لانهم عاشوا تجربه جميله و جديده عليهم خروجتهم كانت مميزه عن اي خروجه قبل كده خروجه فيها راحه و امان خدهم الملاهي لعبوا اتبسطوا اتجننوا كان مبسوط وهو شايف فرحة تقي و اخواتها اوي و اللي كان عاجبه اوي ان رقيه و كنزي مبسوطين جدا و ماسكين فيه جول الوقت كأنه اخوهم الكبير و كان اول مره يشوف من قريب جزء جديد في تقي يمكن شافها مع اخواتها في اكتر من مناسبه قبل كده بس اول مره يشوفها وهي اخت كبيره تهتم تخاف تلعبهم تأكلهم تحاوطهم من الزحمه
لعبوا و كلوا و اتبسطوا واتجننوا و خرجوا طاقتهم لدرجة انهم اتهدوا بجد و ناموا معاه في العربيه و هما راجعين…
سليم كمان خد نسمه و خرجوا و هما كمان خروجتهم كانت مميزه جدا و سليم كان مبسوط اوي لانه المرادي مركنش العربيه بعيد ده ركنها قدام البيت و طلع خدها بنفسه
و رغم ان نسمه كانت محروجه جدا الا انها فرقت معاها اوي انها تخرج و اهلها عارفين كانت مرتاحه بجد..
……….
حسان و سلمي خروجتهم كانت مختلفه مقضينها مشاوير خاصه بالبيت بس رغم تعبهم كانوا مبسوطين اوي ..
سلامه و ايه كالعاده ديما مختلفين في كل حاجه علاقه كلها جنان و ضحك و تنمر و نكش و نقار علاقه فيها صحوبيه و ده اللي كان مخليها جميله خرجها و اتجننوا و اتبسطوا
ومان بالنسبالهم احلي عيد عشان مع بعض..
اما عصافير الحب فا هما كمان خرجوا اتبسطوا كان حاسس انه بيفسح بنته مش مراته او حبيبته
اما ايمي و رشيد و ليله و عشري فا احتفالهم بالعيد لاول مره و هما في بيت واحد كان احتفال خاص و بطريقه خاصه و اعمق .
رومانسيه و دلع و جرأه و جنان و خروجه هاديه بليل في الرواقه
اما ليله فا خلت العيد عيدين لعشري و هي راضيه عنه و مستنياه يطلع من الكافيه عشان ترقصلوا و شويه يتفرجوا مع بعض علي فيلم و هي في حضنه و شويه و هي نايمه علي رجله و شويه هو نايم علي رجلها كلام للصبح سهر و حب و رومانسيه و دلع
