لقاء كـ،ـ،ـ،ـارثي

نادين….حاضر يا قلبي ميدو اوعي تقول لحد بالله عليك هي اكدت عليا

عسال…والله ما حد عارف ولا قولت ولا هقول متقلقيش

نادين….ماشي يا روحي يلا شوف اللي وراك و هستناك

عسال….تمام يا روحي يلا باي

نادين….باي

…………………..

في الورشه عند فضل كان قاعد يشتغل و فجأه ساب الشغل و ولع سيجاره و مسك الموبايل يقلب فيه شويه اول ما فتح الانسجرام لقي في وشه صور لرحاب و تحتها كاتبه كلام كتير بتحتفل فيه بعيد ميلادها

بعتلها كل سنه وانتي طيبه و بعدين خرج و راح علي الاكونت بتاع نعيمه

مكانتش منزله اي حاجه من يوم ما سافرت و ده كان هيجننوا اكتر نعيمه كانت علي طول بتتصور و بتنزل كان عايز يطمن عليها باي طريقه حتي لو هتنزل صوره و باين انها مبسوطه مش هتفرق معاه المهم يطمن عليها بس مكانش في اي حاجه بتنزلها من فتره طويله.

و في وسط ما هو بيقلب لقي مسدج علي الواتس من رحاب

رحاب….ميرسي يا فضل علي المسدچ بتاعتك.

فضل…..علي ايه بس كل سنه وانتي طيبه عقبال ميت سنه

رحاب…ميت سنه مره واحده

فضل….ربنا يديكي طولة العمر

رحاب…..مبسوطة انك افتكترني انا قولت نسيتني و شكلك اصلا نسيتي و الصوره اللي فكرتك مش كده

فضل….بصراحه يمكن بس احنا لسه في بداية اليوم يعني انا بس مشغول والله يا رحاب و اصلا انا في الورشه و شغال قولت اشرب سيجاره و ارتاح شويه لما شوفت الصوره بعتلك

رحاب….ولا يهمك كفايه انك بعت واهتميت يابختي بس قولي انت ليه بتشتغل هو مش احنا المفروض في العيد و كده يعني خد اجازه واتبسط و اخرج الشغل مش هيطير

فضل….كبرت بقي علي الكلام ده و بعدين هخرج مع مين خليني اشتغل واطلع غلبي في الشغل افضل

رحاب…..ده واضح ان النفسيه في الارض كبرت ايه بس انت لسه صغير و بعدين يا سيدي لو علي الخروج اخرج مع صحابك مع اي حد ترتاح معاه المهم غير جو

فضل…مفيش مزاج والله و بعدين الشباب مشغولين اتنين اتجوزوا و واحد كاتب كتابه واتنين مخطوبين و خلاص داخلين علي جواز انا السنجل اللي فيهم و بعدين هما معذورين ليهم حياتهم برضوا

رحاب…..ربنا يوفقهم يارب بس علي فكره انا موجوده كمان تقدر تعتبرني صاحبك يا سيدي و ده اوبشن عشانك انت بس مستعده اكون شاب لو حابب

فضل….بابتسامه ربنا يخليكي يا ستي متقزليش كده