لقاء كـ،ـ،ـ،ـارثي
فضل….محبتيش تاني
رحاب….لا كنت مقرره احقق نفسي الاول و ركزت في شغلي اكتر و اتسحلت في شغلي بجد و ركزت مع رضوي و ولادها و بس دي حياتي بس لحد الوقت غصب عني باجي هنا عشان افصل احس ان بابا معايا
و زي ما قولتلك شغلي هو اللي خلاني اقوم علي رجلي من تاني و انت يا فضل لازم تعمل كده
فضل….انتي قولتي انك رفضتي تسيبي الشغل لانك مكنتيش بتحبي الشخص ده بمعني اصح حسيتي ان التضحيه متستاهلش بس كمان بيتهيالي لو كانت تستاهل كنتي جازفتي بشغلك صح
رحاب….ممكن بس مش كل حاجه اسمها حب تبقى كفاية عشان نغامر بكل حاجة تانية
أنا وقتها ماكنتش شايفة نفسي في العلاقة دي على قد ما كنت شايفة نفسي في الشغل يمكن لو كان إحساسي أعمق كنت فكرت أضحي بس الحقيقة أنا ماحستش إنه المكان الصح اللي أسيب عشانه مكاني انا لو كنت حبيته بجد يا فضل و لاقيت في كل حاجه تخليني اضحي عشانه كنت عملت كده اصل اي بنت لما بتحب بجد من قلبها و تبقي واثقه ان الشخص اللي معاها ده يستاهل بتستغني بيه عن كل حاجه شغل حياه بتشوف الدنيا بعينه هو بس انا محستش كده فا اكيد لو كان الشخص اللي يستاهل التضحيه دي كنت هعمل كده
فضل….بس ده يمكن عشان انتي مقعدتيش معاه كتير يعني محصلش بينكم مواقف ذكريات متعمقتوش اكتر في علاقتكم مدخلتوش علي خطوه جواز زيي مثلاً
رحاب…..جايز معاك حق بس كمان من وجهة نظري مش بالمواقف او الذكريات ولا حتي خطوه الجواز في ناس بيتجوزوا جواز صالونات لا بيحصل بينهم مواقف ولا ذكريات و لا حتي تفاصيل الجواز بتبقي كبيره تخليهم يقربوا من بعض لان اوقات العريس بيكون جاهز فا بيتجوزوا علي طول فا ده مش سبب كافي لنجاح العلاقه انا كنت شايفه اني لازم احب و اتحب لازم العلاقه تكون طبيعيه لازم يكون في تمسك في رابط قوي و لو عليك يا فضل جايز عندك مواقف عندك ذكريات قربت من خطوه الجواز و عيشت تفاصيلها
بس السؤال هنا انت كنت حاسس ان العلاقه بجد طبيعيه فيها رابط قوي فيها تمسك دي اسئله لازم انت اللي تجاوب عليها اصل خد بالك محدش يقدر يحكم حكم صادق ميه في الميه الا الاشخاص اللي كانت جوه العلاقه
فضل….انا حاسس اني تايهه و حتي مش عارف افكر مش عارف ايه الصح و ايه الغلط انتي شايفه ايه
رحاب….بابتسامه لا بلاش رايي انا عشان حاسه ان رايي بقي يعمل مشاكل يعني مره ليله زعلت مني و انت كمان و مره تانيه حسيت اني اتفهمت غلط انا ليله و ايمي جم و بصراحه اني احتفظ برايي لنفسي ده افضل عشان محدش يزعل من رايي
